Un muhe di California a keda declara inocente pa asesinato di su yiu di 12 aña y intento di asesinato di su yiu di 7 aña. Un Hues a nenga libertad bou fiansa pa Sherri Telnas, ora cu el a purba hoga su yiu tempo cu e tabata tin 10 luna di edad.

Telnas, di 45 aña di edad, tambe ta enfrenta otro cargonan. Si declar’e culpabel di tur di nan, Telnas por enfrenta un sentencia maximo di bida largo sin posibilidad di libertad condicional, of pena di morto.

Su abogado, Pia Stanley, no a contesta pa duna comentario. Oficial a aresta Telnas diasabra ora cu nan a wak e dos mucha no tabata duna señal di bida. Su yiu chikito ta den hospital, den estado critico.

Un bisiña a haci yamada di emergencia, mientras e wela tabata purba reviva e muchanan, segun e reportero di KFSN-TV. Na 2009 el haya castigo di 10 aña pa purba di hoga su baby. Na final di 2010, el a haya custodia di su yiunan pa motibo di divorcio.

Hues a ripara cu tratamento tabata bayendo bon, tambe psikiatria y relacion cu su yiunan. “No tabata mustra ningun preocupacion di su capacidad como mayor”, psikiatria a bisa. E tempo ey, hues McLean a dun’e su libertad na 2014, despues cu Telnas a completa su programa di rehabilitacion di droga, no a comete violacion y ta bayendo su afspraak cu dokter.

“Pa stop e supervision di Telnas ta den e miho interes di e convicto y di e sociedad, y no ta representa un riesgo irasonabel di peliger pa e victima di e ofensa aki”, Soja a bisa, kende ta polis cu a skirbi informa pa hues.

 

LEAVE A REPLY

Please enter your comment!
Please enter your name here