(AP) – Un mama na Virginia ken a drumi su yiunan cu gummy di melatonina prome cu el a tira nan fatalmente a ser sentencia diabierna na 78 aña den prizon.
Veronica Youngblood, di 38 aña, a ser aresta den augustus aña 2018 despues di a los tiro riba su dos yiunan Sharon Castro di 15 y Brooklynn Youngblood di 5 aña den su apartamento na McLean. Castro a sobrevivi suficientemente largo pa yama 911 y informa cu el a ser tira pa su mama. Huradonan a scucha grabacion di e yamada aki durante un huicio di 2 siman cu tabata asina traumatico cu e huradonan a puntra si nan por ricibi terapia.
Youngblood a cona detectivenan cu e tabatin plan di mata nan y su mes despues di un disputa di custodia. Ron Youngblood, su ex pareha, a conta The associated Press cu e tabata kier muda pa Missouri cu ambos yiu sinembargo mester a keda di acuerdo pa bay cu Brooklyn so despues cu su ex pareha a nenga. Autoridadnan a bisa cu el a duna e yiunan pildo pa drumi den forma di gummy prome cu el a los tiro riba nan den nan cama.
Youngblood a presenta un defensa unda e ta alega cu e ta loco sinembargo esaki a keda rechasa. E hurado a recomenda un sentencia di 78 aña den prizon despues cu a tende testimonio cu Youngblood a crece den pboresa na Argenta, tabata sexualmente y fisicamente abusa ora e tabata mucha y a cay den trabao sexual como un hoben pa por sostene su yiu muhe mas grandi. “Mi tabata un bon mama, pero algo a pasa, mi no sa con pa splica,” el a expresa. “Algo a splota den mi cabes.”
Hues Randy Bellos a bisa cu e no ta mira motibo pa reduci e hurado su recomendacion y cu bao ley di estado e no tin e habilidad di aumenta esaki tampoco. “Mamanan y tatanan tin hopi responsabilidad, pero ningun ta mas importante cu mantene nan yiunan safe. Tragicamente, nan mama a bira e instrumento di nan morto.”
Fiscal Kelsey Gill a enfatisa cu e asesinatonan aki tabata premedita y cu Youngblood a adkiri e arma cu el a usa un siman prome. “No tin palabra pa describi e acto cu Sra. Youngblood a plania y e ehecucion di su propio yiunan,” el a expresa na Huez.
Defensor publico Dawn Butorac a bisa cue ta premira cu Youngblood lo apela.
