(AP) – Fraccion den oposicion MAN-PIN ta batiendo alarma tocante loke e ta yama un “intento irregular” di gabinete Pisas III di aumenta vakantiegeld pa ministernan y miembronan di parlamento pa medio di ancra e cambio den legislacion cu ta pa empleadonan di e sector publico.
Segun MAN-PIN, e intento di gobierno pa evadi proceduranan formal rekeri bao di Areglo di Estado, cual ta stipula varios ahuste na compensacion ministerial of parlamentario prome mester ricibi evaluacion di Raad van Advies (RvA). E partido ta bisa cu e gabinete a purba pusha e cambionan padilanti sin e cambio obligatorio.
Segun MAN-PIN, e aumento pa ambtenaarnan ta hustifica, sinembargo no pa minister y parlamentarionan.
Oposicion ta enfatisa cu e ta sostene completamente aumenta vakantiegeld pa ambtenaarnan, notando cu e ahuste aki ta apropia y tin hopi tempo caba siendo necesario. Sinembargo, tambe e ta insisti cu cualkier aumento pa minister y parlamentario mester keda posponi te e proximo termino parlamentario den 20209. E fraccion ta argumenta cu gobierno ta purbando di aproba un ‘fastball’ pa medio di combina 3 amienda legislativo pa asina e aumento por pasa door di parlamento banda di e cambionan den sector publico.
Pa motibo cu e amiendanan cu ta afecta minister y parlamentarionan ta cay bao di Areglo di Estado, MAN-PIN ta argumenta cu gobierno no por aproba nan sin cu tin un mayoria di dos tercera parti den parlamento, manera Artikel 52 ta rekeri.
Den contraste, e ahuste pa ambtenaarnan tin mester si solamente un mayoria simple di 11 voto.
Bao e proposicion actual, e voto tocante e vakantiegeld di ministernan y parlamentarionan lo ta conta hunto cu e sector publico su cambionan, un decision cu MAN-PIN ta yama incorecto pa loke ta trata procedura y no ta corecto pa parlamento y publico.
Pa garantisa integridad den e proceso legislativo, MAN-PIN a formalmente propone pa gobierno separa e amiendanan:
Un ley estrictamente ta pa e ambtenaarnan, contratistanan, ‘werklieden’ y categorianan igual
Un ley pa e ministernan y miembronan di parlamento.
Na momento cu separa nan, MAN-PIN ta bisa cu gobierno lo por eora manda e proposicion di aumento pa ministernan y parlamentarionan na Raad van Advies, garantisando transparencia, bon gobernacion y cumplimento legal apropia.
MAN-PIN ta keda insisti cu ningun aumento pa esnan den posicion di oficina politico mester drenta den efecto durante e periodo parlamentario actual. E fraccion ta bisa cu gobierno te ainda tin suficiente tempo pa sigui e proceduranan apropia, pero ta insisti cu e beneficonan aki no por cana mientras cu pensionnan AOV te ainda no ta indexa pa e poblacion concerni.
Oposicion a conclui cu e lo sigui monitor desaroyo di cerca y ta urgi pa gobierno sigui e caminda di claridad, respeta e proceduranan formal y pone e “interes di pueblo prome.”
