Manager di siguridad ta bisa Tesla a spiona su empleadonan

E di dos ex- empleado di Tesla a entrega un denuncia oficial cu e Securities and Exchange Commission (SEC), revelando cu e compania a spiona su empleadonan ilegalmente. Ex- lider di siguridad global, Sean Gouthro, a entrega e tip dia 24 di januari, segun abogado di ‘whistleblower’, Stuart Meissner.

Gouthro tambe por supuestamente confirma cu Tesla a interferi cu investigacionnan interno tocante e supuesto robo di $37 miyon di materia prima na e Gigafactory, y a faya di revela esaki y otro actividad ilegal na autoridadnan y accionistanan, Meissner a bisa ayera.

Meissner a bisa cu e tip di Gouthro ta duna sosten na e relato di Karl Hansen, un otro ex- miembro di ekipo di siguridad di Tesla y cliente di Meissner. Hansen a haci un denuncia augustus ultimo, cu a bisa cu Tesla a instala ‘ekipo di router specialisa den su Gigafactory na Nevada, diseña pa captura comunicacion di celular di empleadonan y/of ricibi data di celular.” Hansen tambe a declara cu su team a haya evidencia di un ring di ‘trafico di droga substancial’ na e Gigafactory, como tambe e robo di un cantidad grandi di materia prima, pero cu Tesla a ‘duna instruccion pa no reporta e robonan na autoridad legal externo’.

Un vocero di Tesla a desmenti e declaracion di Gouthro. “Manera e declaracionnan di otro clientenan di sr. Meissner, e declaracion di sr. Gouthro no ta berdad y ta sensacionalisa, cu unico intencion di haya atencion di media. Pa varios siman prome cu e revelacion di awe, sr. Meissner ta bendiendo e storia aki agresivamente na medionan di comunicacion”, e vocero a bisa.

Tesla a despedi Gouthro na januari despues di un tiki mas cu un aña cu e compania, segun e vocero. El a wordo ‘despedi pa mal prestacion, incluyedo fayo repetidamente di demostra y compronde e miho practicanan den industria di siguridad’. Tesla tambe a bisa cu un compania di cumplimento a entrevista Gouthro na augustus y september 2018 ‘como parti di un investigacion interno riba e mesun asuntonan cu e ta revelando awo’ pero a bisa cu e ‘no a menciona ningun di e preocupacionnan cu e ta trece cerca medionan di comunicacion’.

Hansen tambe a bisa aña pasa cu Tesla a spiona ilegalmente Martin Tripp, un otro ex- empleado cu a haci denuncia (y ex cliente di Meissner). Tripp a bisa juni ultimo cu Tesla tabata pone bateria daña den su Model 3. Tesla a demanda Tripp pa supuestamente hack su sistema interno y horta gigabyte di data, y pa disemina secreto di industria na terceros. Tripp a demanda bek, pa defamacion. E caso ta andando.

Gouthro tin un otro conexion cu storia di Tripp. E mesun dia cu Tesla a haci su denuncia, Gouthro – den su rol di manager di siguridad – a yama polis y bisa cu Tesla a ricibi un tip di un amiga di Tripp kende a bisa cu e tabata na caminda pa tira Tesla cu arma di candela, segun un reporte di e Storey County Sheriff’s Office.

Ora e Sheriff’s department a yega Gigafactory, nan a topa Gouthro, kende a bisa cu Tesla ‘por a confirma e informacion tocante Tripp ta arma’ segun e reporte di polis. E agentenan a logra haya Tripp riba telefon, y el a bay di acuerdo pa un encuentro. Ora nan a topa Tripp, e tabata ‘visiblemente sacudi y na yoramento’. El a mustra e agentenan email cu el a intercambia cu Elon Musk (cual despues el a manda na un cantidad di noticiero) unda e CEO di Tesla a yam’e un ‘ser humano horibel’ door di a ‘frame’ e compania.

Na final, e agentenan a determina cu no tabatin menasa. Tesla a bisa cu nunca a ricibi e nomber di e supuesto amiga di Tripp cu a duna e tip.

 

You May Also Like

Image1.jpg

Click aki pa hay e ley di Citgo, conseho di Raad van Advies y contesta di gobierno

Esaki ta parti di e documentonan den cuadro di e ‘ley di Citgo’. Ley ...

18juni, JM, ATA.JPG

ATA ta haciendo esfuersonan den otro mercado pa trece un balansa

Luna di mei a registra cu caida di e volumen total di bishitantenan cu ...

promesa eleccion.jpg

Fabornan tereno: Eleccion yegando pero nada di ley financiamento di partido politico

Otro aña ta eleccion pa pueblo scoge un parlamento y gobierno nobo. Un punto ...

img_1443479547_829.jpg

Alfredo Capelo di Colegio Arubano a ricibi ‘Appel di Enseñansa”

ORANJESTAD – Segun informacion di nos colaborador na Noticia Cla, e docente cu recientemente tabata ...

Speransa cu parlamento lo trata ley ortografia di Papiamento prome cu juli

Aunke 14 aña pasa, Papiamento a wordo introduci como lenga oficial cu e mesun ...

Social media tambe hungando rol grandi den problema entre pareha

Terapista na Departamento di Asuntonan Social Enid de Kort ta informa nos cu cifranan ...