(TMZ) – Un parti hopi famoso den Atlanta su escena di benta di propiedad, e cas unda cu e artista R. Kelly aparentemente tabatin hende muhenan cera sin nan consentimento, tin un doño nobo.

Segun documentonan legal obteni pa TMZ, e mansion cu e cantante tabata huur situa na Metro, Atlanta a ser bendi dia 3 di juni. E personanan cu ta traha pa Fulton County, cual ta e area den e cual e cas ta situa a revela cu e benta a ser completa pa un suma di 1,785,000 dollar cu Coldwell Banker Realty.

E propiedad ta conoci como e luga unda cu aparentemente Kelly a tene algun hende muhe cera pa asina nan forma parti di e grupo cu e tabata prostitui y duna como ofrecemento na otro personanan pa fabornan sexual. Un serie documental tocante e experiencia aki titula “Surviving R. KElly” (sobreviviendo R. Kelly) ta ilustra y conta con algun di e muhenan ta revela cu R. Kelly tabata forsa nan y obliga nan referi na su persona como “Papi” y tabatin cu pidi permiso pa haci tur cos den e cas, te hasta pa por haci uso di e baño y pa come.

Kelly, ken ta den custodia di warda di polis na Chicago mientras cu e ta warda su huicio federal a nenga tur e acusacionnan.

E doño nobo di e propiedad no a duna hopi balor na e cosnan negativo cu ta e reputacion di e cas, sino a pone mas balor na e hecho cu e cas ta un mansion di 7 camber, 2 cushina, un cinema instala den e comodidad di e cas y un garashi cu ta acomoda 4 auto, un pool, un spa, un veld pa hunga tennis, un cas poni den matanan, un cas pa mucha por hunga aden, y hopi mas.