14329917_1766091690338284_5815665930652981343_n.jpg

Un grupo di ciudadano bou nomber di Comision Accion ta organisa un marcha pa pidi atencion pa mas siguridad na Aruba.

 

E fecha di e ‘Marcha pa nos siguridad’ ta planea pa 29 di september. E grupo ta bisa cu nan kier nos siguridad bek. Tin sindicatonan cu a indica caba cu lo participa den e marcha aki. Un di e sindicatonan mas grandi, esta FTA, a manda un carta pa gobierno unda nan tambe a vocifera nan preocupacion pa cu e problema di criminalidad.

 

Minister di Husticia Arthur Dowers a indica cu lo evalua leynan pa wak si por haci nan mas pisa pa combati e criminalidad. Sinembargo den e edicion aki por lesa tambe cu gobierno a corta den personal di husticia den fabor di otro departamentonan. E pregunta ta keda awor dicon gobierno a haci esaki mientras e minister a indica e siman aki na Bon Dia Aruba cu e cifranan ta mustra cu por ehempel e atraconan arma ta aumentando.

 

Ademas, for di fuentenan di polis Bon Dia Aruba a compronde cu tin e intencion pa polis lo traha mas ora, esta warda di 12 ora.