Diahuebs den careda di 6’or di marduga riba caminda di Kamerlingh Onnestraat y Tanki Flip, un SUV cora a pasa dal varios auto. Patruyanan atento riba caminda a cuminsa busca e vehiculo, y patruya di Santa Cruz tambe a duna un man na Playa y Noord. Nan a drenta accion y topa cu e SUV na Hato y a logra detene e chauffeur bou influencia di alcohol.
Tabata dos marinier den e auto y esun na stuur a keda deteni pa core bou influencia. Na Tanki Flip, e dos autonan cu nan a dal a keda basta kibra y un persona levemente herida caminda Polis a solicita ambulance. Na Kamerlingh Onnestraat tambe nan lo a dal den un auto y kier a bringa cu e automobilista. Ta mustra cu e mariniernan aki burachi y agresivo pa loke cu nan mes a haci fout. Polis a notifica hefenan na Kazerne di e caso aki.
