Mariniernan di Escuadron di Marina Caribe (MSC), procedente di Aruba, a forma parti di un ehercicio cu a dura tres siman cu e nomber ‘Caribbean Urban Warrior’ (CUW). E ehercicio a tuma luga na Camp Lejeune, na North-Carolina, caminda tin e Cuerpo di Marina di Estado Unidos (United States Marine Corps (USMC). Durante e Caribbean Urban Warrior e Mariniernan di Escuadron di Marina Caribe a trein pa yega e nivel di escuadron den un zona urbanisa, cu yudansa di exploradonan Mericano, den bastante luga di ehercicio realistico.
E ehercicio Caribbean Urban Warrior tabata principalmente den e cuadro di Operacionnan Militar riba terenonan Urbanisa (Military Operations in Urban Terrain – (MOUT). Di e forma ey, dunadonan di señal avansa, tiradonan designa, ingenieronan di infanteria y esnan cu ta salba bida durante combati, a realisa un training crusa den colaboracion cu e mariniernan Mericano di e 2o division di Infanteria di Marina. Nan a trein riba nivel di sesion den diferente facilidad cu tabata presente na e campamento, manera Ciudad di combati, Camp Davis y aldea di training Lejeune, y a eherce varios operacion na nivel di trupa, por ehempel un redada anfibio, un emboscada y un atake riba un pista di aterisahe. Banda di e Mariniernan di Aruba un peloton di boto di Corsou y e despachamento di Marina di Sint Maarten tambe a participa na e ehercicio nan.
Regularmente durante aña Defensa ta trein den Region Caribe hunto cu e Mariniernan Mericano di e 2o Division di Marina. E ehercicionan ta tuma luga tanto na Estados Unidos como den region Caribe Hulandes. E colaboracion aki no solamente ta demostra e laso estrecho entre ambos pais y nan unidadnan, pero ta brinda tambe e posibilidad pa intercambia conocemento y experencia. Di tal forma Camp Lejeune ta brinda facilidadnan estupendo pa colabora cu e partidonan y e localidad di training aki ta percura cu e Mariniernan di Escuadron Caribe por train riba un nivel mas halto cu lo ta posibel dentro di nan propio localidad geografico den Region Caribe.
