Marisol Lopez-Tromp(POR): ‘Control riba prijs di productonan di canasta basico mester wordo amplia’

ORANJESTAD – Relaciona cu e anuncio di gobierno cu lo amplia e canasta basico, lider di fraccion di POR den parlamento, Marisol Lopez-Tromp a indica cu pueblo ta ansioso pa wak cu prijsnan di cierto productonan lo keda pagabel pa nan cartera y cu por cumpra productonan na un prijs rasonabel.

Un keho cu ta bin dilanti riba e punto aki ta cu ainda no tin e control debido riba cierto supermercadonan manera cu pueblo lo desea unda cu ta mira diferencianan grandi den prijs riba cierto productonan. Fraccion di POR ta kere cu ta importante pa tin un debido control riba esaki, apart di anuncia cu a amplia e canasta basico cu cierto productonan cu ta importante y indispensabel pa nos famianan na Aruba.

Lopez-Tromp a indica cu e control aki, segun tin entendi ta tuma luga, pero lo ta bon pa ampli’e y tin suficiente personal pa por haci e trabou na un forma cu e por tin efecto. Di otro banda, el a bisa cu ta keda tambe na e consumidor pa dicidi libremente unda e ta haci su compras.

You May Also Like

Corsou ta mas barata cu Aruba?

Na diferente ocasion UPP a indica cu mas di 60% di nos famianan tin ...

POR: Pueblo ta sclamando pa un miho cuido medico na Aruba

Cuido medico na Aruba mester atencion urgente, esey ta un secreto publico. Casonan pa ...

E 13.000 cu no a bay vota, e yabi di Aruba su futuro ta den boso man

  Un otro weekend di fiesta, show y intimidacion politico a pasa. Y ainda ...

ATIA a reuni cu Mike Eman y Richard Arends

E siman cu a pasa, presidente di ATIA Ronald van Trigt, hunto cu director ...

Solucion pa problema den salubridad no tin luga pa populismo

Den e ultimo simannan nos por a tuma nota di masha hopi plannan populista ...

“Pakico mi no tawatin otro choice cu drenta politica atrobe”

Deseo pa keda votado so Mi a drenta politica caba na 2013 pero mi ...