(AP)—E mas selfie reciente di e rover Perseverance di NASA riba Marte a captura un huesped inespera: un remolina di polvo Marciano.
Loke ta parce un nubia chikito, e remolina di polvo cu tabata bula a parce 5 kilometer patras di e rover durante e sesion di tuma potret di e luna aki. Segun NASA, e selfie cu a ser publica diaranson ta un composicion di 59 imagen nan a tuma via e camara riba e brasa robotico di e rover.
A dura un ora pa haci tur e movementonan di e brasa necesario pa colecta e imagennan, “pero e ta bale la pena,” segun Megan Wu, un cientifico di imagen di Malin Space Science Systems, e compania cu a construi e camara.
“Pa tin e remolina di polvo patras di dje ta haci e potret tremendo,” Wu a bisa den un declaracion.
E potret—cual tambe ta mustra e buraco mas recien tuma riba e superficie—ta celebra 1.500 sols of dia Marciano pa Perseverance. Esaki ta comparable cu 1.541 dia riba Tera.
Perseverance ta cubri cu polvo color cora, como resultado di e perforacion di decenas di piedra. E rover a ser lansa den 2020 y ta colecta muestranan pa eventualmente trece esaki back na Tera for di Crater Jezero, un fondo di lago antiguo y riu cu por tin señal di bida microbiotico di pasado.
