Manera ta conoci diaranson siman pasa un delegacion comercial consistiendo di 30 empresario a atende e conferencia di Agroalimentaria 2025, na Republica Dominicana. Por bisa cu e biahe comercial aki tabata uno sumamente exitoso.
Minister di Finanzas, Economia y Sector Primario, Geoffrey Wever a busca mercancia di otro mercadonan, manera den e caso aki Republica Dominicana, cu intencion pa busca prijs mas faborable. “Pa stimula mas comercio den region Gobierno a uni cu embahada di Republica Dominicana pa Aruba su comerciantenan participa na e ‘trade mission’ aki”, segun Minister Wever.
Segun un comunicado di gobierno, e delegacion a logra na cera cu mas di 130 “letter of intent” pa trece entre otro fruta, berdura, awacati, webo, hariña y mucho mas. Di tur e paisnan cu a asisti e conferencia di Agroalimentaria 2025, Aruba a wordo reconoci como e pais cu a cera mas “Letter of intent” entre e comerciante nan di Aruba y di Republica Dominicana. Cu e desaroyo aki y tambe e noticia recien cu un compania di logistica, Don Andres, cu ta opera barco di transporte den Caribe ta amplia nan servicio door di consolida e mercancia den e almacennan di Don Andres, clientenan por optimisa nan “supply chain” y probecha di solucionnan di envío adapta na nan necesidad specifico.“Sigur un biahe comercial sumamente exitoso”, segun Minister Wever.
