September a marca un luna maraviyoso pa algun studiante di Universidad di Aruba, ken a completa nan programa di Organization, Governance and Management (OGM). E graduadonan aki a haya nan Bachelor diploma despues di a defende nan tesis exitosamente.
E graduadonan ta inclui:
Salem Auguste
Salem Auguste a defende su tesis titula ‘Assessing Leadership Readiness for Managerial Promotion at The Ritz Carlton Aruba.’ Salem Auguste a investiga den ki manera The Ritz-Carlton Aruba por evalua, prome cu promocion, e preparacion pa liderazgo di su empleadonan (Ladies and Gentlemen) pa un posicion di manager, di un forma consistente cu su Gold Standards y cu e contexto local di hospitalidad?
E comision di graduacion tabata consisti di Zunaica Phillips MBA, Luciano Milliard LLM y Isabelle Meelis MSc.
Michelove Jean-Louis
Michelove a defende su tesis titula ‘The Role of WAW Mobiel in Strengthening Social Capital Within Targeted Neighborhoods in Aruba.’
Michelove a investiga te na ki grado e proyecto WAW Mobiel ta contribui di manera sostenibel na capital social den e barionan selecciona na Aruba.
E comision di graduacion tabata consisti di Valerie Maduro MA, Mieke de Droog PhD y Gianni Bermudez MSc di CEDE ARUBA.
Meritza van der Biezen
Meritza van der Biezen a defende su tesis titula ‘Housing Affordability: Policy and Regulatory Responses for Non-Resident Property Investment in Short-Term Vacation Rentals.’
Meritza van der Biezen a investiga regulacion pa inversionistanan no-residente den mercado di short-term vacation rentals(STVR) y nan impacto riba mercado di vivienda residencial na Aruba.
E comision di graduacion tabata consisti di Niels Wiskerke, MA, Ahmet Talan, MsC y Nilo Swaen, Bac.
Michelle Every
Michelle a defende su tesis titula ‘Growing the Game: Strategies for Achieving Gender Equality and Expanding Women’s Football in Aruba.’
Michelle a investiga e bareranan percibi pa igualdad di genero den futbol na Aruba y e strategianan cu por contribui na logra mas igualdad y expande futbol femenino na Aruba.
E comision di graduacion tabata consisti di Valerie Maduro, MA – prome tesis supervisor, Mandy Laclé, MA – di dos tesis supervisor y Louedska Maduro, MSc – di tres lesado di tesis.
Hopi pabien na e graduadonan!
