(TooFab) – Ayera, despues cu Blink-182 a lansa nan prome cantica hunto desde cu Tom DeLonge a join e banda back, Matt Skiba a subi Instagram pa elogia e grupo.
“Pabien na tur e amigonan @markhoppus @tomdelonge y @travisbarker riba nan triunfante retorno/reunion di @blink182 y e lansamento di nan cantica nobo awe!” el a skirbi, agregando cu e ta realmente agradecido pa su tempo cu e banda y feliz cu e banda a reunifica cu nan cantante original.
Mientras tanto, Tom DeLonge a comparti su aprecio pa e homber cu a reemplas’e como cantante y guitarista, Matt Skiba di Alkaline Trio.
DeLonge a retira di e grupo y su miembronan Travis Barker y Mark Hoppus na 2014. Inicialmente Skiba a join e grupo pa algun show en bibo prome cu graba dos disco y bay den tour cu nan di 2015-2020.
Anteriormente e siman aki a keda confirma cu DeLonge tabata reuniendo cu Barker y Hoppus, sin Skiba, y cu nan ta lansando musica nobo y bayendo den tour na 2023.
