(AFP)—Mattel a revela un Barbie autistico, cual ta e liña di popchi mas recien di e empresa cu meta pa permiti un variedad mas amplio di mucha “mira nan mes” den e popchi iconico.
E liña di Barbie, cual a introduci popchinan cu discapacidad pa prome biaha na 2019, ya tin Barbienan cu diabetes tipo 1, Sindroma di Down y cieguedad, segun e compania a bisa den un declaracion diadomingo.
Autismo ta un transtorno neurodesaroyal compleho y cu un spectrum amplio. E tin varios origen, principalmente conecta cu un combinacion di factornan genetico y ambiental. Mattel a bisa cu el a desaroya su “prome popchi di Barbie autistico” cu guia for di e Autistic Self Advocacy Network (ASAN), un organisacion di derecho di hende cu discapacidad buscando igualdad y mas visibilidad pa hende cu autismo.
E popchi ta diseña “pa representa maneranan comun cu hende autistico por experencia, procesa y comunica tocante e mundo,” e empresa di juguete a bisa.
Na manera e Barbie tradicional, e popchi nobo tin elleboog y jointsnan na pols, cual ta permitie haci gestonan cu algun hende autistico ta usa pa procesa informacion sensorio of expresa emocion, Mattel a bisa. Tambe e ta diseña cu wowo dirigi un tiki na banda, “cual ta refleha con algun miembronan di e comunidad autistico por evita contacto di wowo directo.”
E popchinan ta bin cu un juguete cu ta alivia stress, headphones cu ta cancela zonido di ambiente, y un tablet, e compania a bisa, agregando cu el a comprometi pa haci un donacion di 1.000 tablet pa hospitalnan pediatrico specialisa den cuido di autismo.
Conocemento cientifico actual no ta identifica precisamente tur e causanan di autismo, cual a laga espacio pa e circulacion di varios teoria falso, incluyendo conexionnan supuestamente causal cu vacuna, uso excesivo di aparatonan electronico of tuma paracetamol durante embaraso.
