Matthew a bira mas fuerte, awor horcan categoria 2

Segun e ultimo informacion Matthew a crece, birando mas fuerte cu biento awor di 130 km pa ora. Awor a clasifica e horcan den categoria 2.

Poco poco por mira e efecto tambe riba nos isla. Te awor no tin awacero y e biento ta un tiki mas friu, pero suave. Pero e lama ta birando mas bruto y na Eagle Beach nos por mira cu e lama a yega awor te na e matanan.

Segun e fuentenan oficial awor ta sperando tambe e piek di e horcan, pasando un 150 km panort di Aruba, banda di 5 or mainta.

Mas info riba National Hurricane Center.