Actor Matthew McConaughey siman pasa a critica su coleganan di Hollywood pa nan actitud condescendiente pa cu conservadornan y sostenedornan di Trump cu ta nenga di acepta e resultadonan di eleccion presidencial 2020.
E actor di ‘Beach Bum’ a haci e comentarionan durante un presentacion den podcast di Russel Brand, ‘Under the Skin’.
Contestando si el a nota e ‘condenacion y critica di hende ordinario trahado’ den Hollywood na momento di discuti politica, McConaughey a bisa ‘absolutamente’. “Tin hopi hende den nan iskierda iliberal ey cu absolutamente ta condesciendiente, ta patronisa y ta arogante pa cu e otro 50 porciento”, McConaughey a bisa Brand.
El a nota con hopi liberal cu ta burla di e rechaso di algun conservador pa acepta e eleccion di 2020 tabata den mesun boto cuatro aña pasa cu nan rechaso pa acepta e victoria presidencial di Donald Trump na 2016. “Mi ta sigur cu bo a mir’e den nos industria ora a eligi Trump cuatro aña apsa, nan tabata den rechaso cu esey tabata real”, McConaughey a bisa. “Algun di nan tabata nenga rotundamente.”
Ademas el a sugeri cu liberalnan lo ta hipocrita si nan insisti pa sostenedonan di Trump rapidamente acepta victoria di Joe Biden. “Awo ta mustra cu Biden ta nos guy. Awo bo tin e derecha cu ta rechasa, pasobra nan banda tin fake news. Y mi ta compronde, nan a ricibi fake news. Niun hende sa kico pa kere, no? Pues nan ta poniendo nan ultimo bastion di defensa.”
