Sad boy sits alone.

(NL Times)—E mayornan di shete mucha cu supuestamente a wordo viola pa nan babysitter no lo atende e huicio di e sospechoso. E caso lo cuminsa diamars na e corte di Den Bosch. E corte a pone cuatro dia na banda pa por atende cu e huicio.

Vocero di Namens de Familie, cu ta cay bou di Victim Support Netherlands, un organisacion cu ta ofrece vocero pa victimanan y nan famia, a bisa cu e lo dianan hopi pisa pa e famianan: “Nan tur ta den mes un boto. Mas sigur nan no lo atende, pero esey por cambia ainda, of nan lo keda pendiente cu e caso for di nan cas.”

Nancy D. (54) di Herkenbosch na Limburg a volunta como babysitter den e region di Eindhoven na aña 2021. A acusa e dama aki cu violacion di e muchanan cu e tabata babysit. E muchanan tabata entre 1 y 6 aña di edad. E dama a graba e abuso mientras su pareha, Peter S. (59) tabata wak via webcam. E duo a wordo descubri ora e mayornan di un mucha di 2 aña a wak e abuso den nan camara na juni 2021. Polis a detene D. e mesun anochi ey.

E mayornan di e muchanan tambe a puntra pa polis no comparti detayenan sensitivo na e publico: “Nan kier preveni rumornan of storianan falso circula. E caso aki tin efectonan hopi grandi,” nan vocero a declara.

E huicio ta cuminsa diamars. E dia ey, fiscalnan lo discuti e echonan di e caso. E victimanan lo haya oportunidad pa papia diamars. Casi sigur nan lo dicidi di haci esaki via nan abogadonan of Victim Support. E servicio di fiscal publico lo demanda sentencia dia 23 di januari. Despues e suplicanan lo sigui. E veredicto ta planea pa dia 13 di maart.

Nancy D. a confesa di comete abuso sexual cu mucha. Peter S. Tambe a reconoce su responsabilidad den e abuso.

 

LEAVE A REPLY

Please enter your comment!
Please enter your name here