(AP) – Pronto e posibilidad di tene companianan di rednan social responsabel pa daño na muchanan cu a bira adicto na nan producto lo bira posibel na California, permitiendo e mayornan demanda plataformanan manera Instagram y TikTok pa mas di 25,000 dollar pa cada violacion bao di un ley cu a pasa e voto di asamblea riba dialuna.
E ley ta defini “adiccion” como muchanan bao di 18 aña kendenan ambos ta sufri di daño sea fisicamente, mentalmente, emocionalmente y materialmente of cu kier stop/reduci e tempo cu nan ta para riba rednan social, pero no por haci esaki pa motibo cu nan ta obsesiona cune.
Gruponan di negoshi a adverti cu si e ley aki keda aproba, e companianan di rednan social hopi probablemente lo para operacion pa muchanan na California y no tuma e riesgo legal.
E proposicion lo aplica solamente riba companianan di rednan social cu tin por lo menos 100 miyon dollar den ganashi den e aña anterior, aparentemente atacando specialmente rednan social gigante manera Facebook y otronan cu ta domina e escena.
E no lo aplica na serviconan manera Netflix of Hulu, ni companianan cu ta ofrece servicio di e-mail y mensahe di texto so.
“E era di experimentacion social riba muchanan sin control ni vigilancia a caba y nos lo proteha nos muchanan,” Miembro di asamblea Jordan Cunningham, republicano di San Luis Obispo Country y autor di e ley aki a bisa.
Dialuna su voto ta un paso clave pero no final pa e proposicion aki bira un ley oficial. Awo e mester bay na e Senado di estado unda cu e lo pasa door di simannan di negociacion y dialogo.
E proposicion aki ta duna e rednan social 2 manera pa scapa culpabilidad den corte. Si e proposicion bira un ley oficial, e lo drenta den efecto dia 1 di januari. Compania cu kita funcionnan cu ta considera adictivo pa muchanan no lo ta responsabel pa dañonan desde 1 di april.
Tambe, companianan cu conduci control regular di nan practicanan pa identifica y kita funcionnan cu por ta adictivo na muchanan no lo ser afecta pa e demandanan.
Comments are closed.