Yiu muhe di Paul Walker tur 12 di september ta fecha cu ta den su agenda pa mira e series nan cu Paul Walker ta gusta mira. Ayera tabata un fecha hopi special pa e yiu muhe unda cu e ta recorda su tata cu lo mester a cumpli 49 aña si e ta na bida, ta un custumber di famianan y amigonan ta recorda e artista y nan ta demostra esaki tambe cu e ta hopi presente den cada un di nan bida.
E yiu muhe di e actor Meadow Walker no ta laga e fecha aki pasa pa nada di mundo y semper ta manda un mensahe publicamente na su tata via di su medio social Instagram. “Feliz Cumpleaño na mi miho amigo y alma gemelo” Mi ta stimabo pa semper y mi ta sinti bo falta tur dia, asina e modelo a comenta banda di un potret di su infancia unda cu e ta aparece cu su tata cu ta e artista cu a duna bida na Brian O’Conner den e pelicula Fast & Furious.
Banda di su post tambe e yiu muhe a publica e diseñonan nobo di camisa cu nan a haci di e fundacion Paul Walker, cu ta dedica na diferente causanan solidario cu e mes un yiu a lanta y e mes ta maneha.
Ya caba a pasa casi 9 aña cu Paul Walker a fayece den un accidente tragico di auto y e momento ey su yiu tabatin solamente 15 aña di edad. E tragedia a marca un antes y despues den e vida di e hoben cu a keda tuma over pa Ven Diesel e amigo y compañero di e actor. Te cu dia di awe nan tur dos tin un relacion hopi cerca di otro te cu e actor Ven Diesel cu tabata duna bida na e protagonista Dominic Toretto den e pelicula a compaña e yiu muhe na altar riba e dia di su bruid cu a tuma luga aña pasa.
