FILE - U2 singer Bono speaks to the media after a meeting at the Elysee Palace, in Paris, France on July 24, 2017. Bono's memoir "Surrender" planned for release on Nov. 1. (AP Photo/Michel Euler, File)

(AP) — E buki di memoria di lider di banda musical U2, Bono, di cual tabatin hopi rumor, finalmente ta bay keda publica dia 1 di november proximo.

Alfred A. Knopf a anuncia riba diamars cu e buki, prome contrata na 2015 pero no oficialmente revela e tempo aya, ta bay ta titula ‘Surrender’ (‘Entrega’). Reportenan cu e tabatin un contrato pa buki ta bay back te al menos aña 2019.

“Na momento cu mi a cuminsa skirbi e buki aki, mi tabatin speransa di describi den gran detaye loke anteriormente mi a apenas delinea den canticanan”, e cantante y activista Irlandes, di 62 aña di edad, kende a nace Paul David Hewson, a bisa den un declaracion. “E hende, lugar, y posibilidadnan den mi bida. ‘Surrender’ ta un palabra yen di significado pa mi. Crece na Irlanda den añanan setenta cu mi mokete na l’aira (papiando musicalmente), no tabata un concepto natural. Un palabra cu mi a circula te ora mi a compila mi pensamentonan pa e buki. Ainda mi ta luchando cu e comando mas humilde aki.

“Den e banda, den mi matrimonio, den mi fe, den mi bida como activista. Surrender ta e storia di e falta di progreso di un peregrino… cu cantidad di diversion na caminda.”

E subtitulo di e buki ta ‘40 Songs, One Story’ (‘40 Cantica, Un Storia), un referencia na e structura di ‘Surrender’: 40 capitulo, cada un titula cu un cantica di U2. E cantidad di hit di e banda ta inclui ‘With Or Without You’, ‘Sunday Bloody Sunday’ y ‘Where the Streets Have No Name.”

LEAVE A REPLY

Please enter your comment!
Please enter your name here