Un homber cu a skirbi menasa riba Facebook cu lo mata ‘tur muhe cu mi mira’ como represalia pa añanan di rechaso romantico a wordo sentencia diahuebs na cinco aña di prizon.
Christopher W. Clearly, di 27 aña naci na Denver, a presenta den corte pa tende su sentencia. Hues Christine Johnson a rechasa e recomendacion cu abogado di Cleary a presenta pa dun’e un sentencia di probacion, pa asina e por bay bek Colorado pa sirbi su sentencia pa violacion di probacion y crimen anterior. Johnson a bisa cu e delito merece castigo di prizon.
Su actonan ta fit un patronchi di comportacion pa un homber problematico cu un historia di terorisa hendenan muhe cu el a conoce riba internet. Por lo menos ocho persona desde 2012 a tuma contacto cu autoridad pa acusa Cleary di stalk of acosa nan, segun un revision di AP di record di polis y corte.
Clearly mes a pidi pa papia, pa pidi despensa di locual a pasa. E menasa di Cleary riba Facebook a yega algun ora prome cu hendenan muhe a marcha a traves di varios ciudad Mericano na januari, rebibando miedo di otro atake violento na man di un homber culpando hende muhe pa su problemanan.
