Un bus turistico a crash na un autopista na sur di Utah, costando bida di 4 persona di nacionalidad Chines y heridando decena di persona mas. E bus a bira y cuminsa bolter.
Cinco pasahero a permanece den estado critico y e cantidad di morto por aumenta. 31 persona cu tabata riba e bus ta herida. Di 12 pa 15 persona ta considera den estado critico despues di e accidente, pero algun a mehora caba, segun agente di polis, Nick Street a informa.
Informacion ta indica cu no tur pasahero tabata bisti nan faha di siguridad, manera ta comun den bus. E accidente a tuma luga cerca di un parada di descanso riba autopista, poco kilometer leu di Nacional Park Bryce Canyon, sur di Utah.
Autoridad ta kere cu chauffeur a desvia di caminda pa parkeer, pero ora el a haci esaki el a perde control di pone e bus riba caminda. Esey a provoca cu e bus a crash. E chauffeur Mericano a sobrevivi e accidente y ta papiando cu investigado.
E chauffeur no tabata parce bou influencia, pero ainda ta investigando condicion pa cualkier posibel problema mecanico. Tabatin poco biento, pero no fuerte pa causa problema. Departamento nacional di siguridad di transporte a manda un grupo pa sigui investiga.
E compania cu ta figura den bus ta American Shengjja Inc. E registro comercial di Utah ta indica cu nan tin sede na Monterey Park, California. Un hende muhe cu a contesta telefon no tabatin comentario.
A manda tur victima herida na tres hospital. Intermountain Garfield Memorial Hospital a ricibi 17 pashent, incluyendo tres den estado critico y 11 den estado grave. Tambe a traslada e victimanan na Cedar City y St. George Hospital.
Embahada di China a tweet cu e ta tristo cu e noticia di accident y cu lo manda personal pa yuda e victimanan.
