Diamars mainta paden di un Walmart na Mississippi a tuma luga un tiramento fatal cu a laga 2 persona morto y un polis herida. Segun fuentenan policial e persona cu a tira tabata un empleado frustra cu a haya problema cu su manager.
E incidente mortal a cuminsa rond di 6’or y mey paden di e supermercado, unda eventualmente un agente policial reaccionando na e tiramento a herida e persona arma causando e incidente. Nan a hiba e tirado warda di Southaven, segun un comunicacion policial riba radio.
E tirado a mata 2 persona durante e incidente, asina Bill Rasco, e comisario di e condado DeSoto, a bisa e canal local di television WMC-TV. Phil Cox, kende tabata na e supermercado durante e incidente, a bisa cu e tabata net den sali ora el a tende un tiro cerca di dje den parking lot, djey el a bira rond y mira cu tabatin un homber ni 12 meter leu di dje coriendo pa drenta e tienda. E homber cu el a wak a keda identifica mas laat como e tirado, segun e testigo.
“Nos tabata demasiado cerca di dje ora el a pasa, nos tabata canando den su direccion, casi crusando caminda cu e direccion exacto den cual e tabata emitiendo e tironan’, asina Cox a bisa, un residente di Forrest City, Arkansas, kende tabata kedando na e Baptist Memorial Hospital-DeSoto pa tuma parti den un estudio di soño, segun el a conta NBC News. El a pasa ‘demasiado lihe’ pa e por a haya miedo, Cox a bisa.
