Merca ta acusa Nicolas Maduro di ‘silencia oposicion’

Embahador di Merca na Nacionnan Uni, Nikki Haley, a opina riba comentarionan cu a sali for di comunidad internacional riba e proceso electoral na Venezuela, caminda e resultadonan reporta ta beneficia e regimen Chavista y cu awor ta disputa pa oposicion.

Un eleccion ta legitimo si ta e liber y husto, y desde e cuminsamento di e proceso di eleccion na Venezuela e no tabata asina,” Haley a declara den un comunicado.

P’esey, e embahador a solicita un chekeo riba tur condicionnan den cual e proceso di eleccion a tuma lugar na Venezuela, y asina por descarta e posibilidad di fraude. “Mester haci un revision di henter e proceso electoral. Mester respeta e boluntad di e pueblo,” el a bisa.

Ultimo proyeccionnan cu tabatin como resultado di tur encuesta prome cu e dia di eleccion tabata duna e victoria na oposicion, cu un bentaha grandi riba regimen Chavista, cu tin un imagen negativo di 80%. Asina e grupo reuni den Mesa di Unidad tabata spera un victoria di 18 gobernacion di tur puesto cu tabata den eleccion, y especialmente den caso di un participacion halto manera a sucede cu 61% di participacion den e proceso aki. Pero e resultadonan a duna finalmente 5 victoria solamente.

E preocupacion cu e gobierno di Donald Trump tabatin en vista di e eleccion na Venezuela a resulta hustifica, un comunicado di Departamento di Estado a declara. E informe ta comenta encuanto e falta di observador internacional y independiente, y tocante e credibilidad, falta di un inspeccion tecnico pa conta e cantidad di voto di banda di Conseho Nacional Electoral y tur cambio cu a tuma lugar na ultimo momento cu e reubicacion di mesa di votacion, cu consecuencia pa hopi elector cu mester a move di repente, sin ningun aviso publico.

E declaracion duna pa e vocero Heather Nauert a denuncia tambe e manipulacion di e diseño di e papel di votacion, como tambe e cantidad limita di mashin di votacion na varios zona popular di mayoria opositor.

Mientras cu regimen di Maduro ta traha como un dictadura autoritario nos ta traha cu miembro di comunidad internacional y asina nos lo pone tur peso di poder economico y diplomatico di Merca, y purba di duna mas apoyo na e pueblo Venezolano cu kier haya su democracia bek,” e documento a splica.

You May Also Like

Temblor di magnitud 6.5 na Costa Rica

Un temblor di magnitud 6.5 a sacudi Costa Rica, esaki ta segun informa Instituto ...

Irma causando daño grandi den Caribe

Horcan Irma a destrui varios edificio y causa inundacionnan grandi na hopi di e ...

Hues: No tin necesidad laga grupo Venezolano indocumenta den libertad

WILLEMSTAD – Diasabra ultimo hues Martinez a dicidi cu no tin niun necesidad pa ...

Corsou no ta aproba uzo di su teritorio pa intervencion militar

WILLEMSTAD –  Recientemente Corsou a firma un tratado den nomber di reino Hulandes cu ...

Haiti e unico pais den Caribe y America Latino cu mester ayudo alimentario

(IciHaiti) – Di acuerdo cu e mas reciente edicion di e informe  “Crop Prospects ...

Jamaica: Un miyon turista den prome 9 siman di 2019

Ministro encarga cu turismo di Jamaica, Edmund Bartlett, a anuncia recientemente den un charla ...