(AP) — Comando Sur Mericano a anuncia cu a ehecuta otro atake contra un boto chikito den oriente di Ocean Pacifico diahuebs, despues di un pausa di casi tres siman.
Esaki ta e di 22 atake cu ehercito Mericano a ehecuta contra boto den Lama Caribe y oriente di Ocean Pacifico, cu administracion di Trump a bisa tabata traficando droga.
Tabatin cuatro casualidad den e atake diahuebs, segun un post riba rednan social, treciendo e cantidad total di morto den e campaña na al menos 87 persona.
Den un video compañando e anuncio, por mira un boto chikito ta move riba e awa prome cu prome cu keda consumi pa un explosion grandi. E video ta zoom out pa mustra e boto na candela y cu huma.
E atake tabata ehecuta riba e mesun dia cu admiral Frank “Mitch” Bradlye a aparece pa un serie di sesionnan di informacion clasifica tras porta cera na Capitol Mericano mientras legisladornan a cuminsa un investigacion tocante e prome atake ehecuta pa ehercito dia 2 di september. E sesionnan a yega despues di un rapport cu Bradley a duna ordo pa un atake follow-up cu a mata sobrevivientenan pa cumpli cu exigencianan di Secretario di Guera, Pete Hegseth.
Bradley a bisa legisladornan cu no tabatin orden pa “mata nan tur” for di Hegseth, pero un video impactante di henter e serie di atake a laga algun legislador cu pregunta serio.
Expertonan legal a bisa cu mata sobreviviente di un atake riba lama por ta un violacion di e leynan di guera militar.
Bradley a papia cu legisladornan hunto cu presidente di Joint Chiefs of Staff, Gen. Dan Caine, den un sesion clasifica. Su testimonio a duna informacion fresco na un momento crucial mientras liderazgo di Hegseth ta cay bao scrutinio, pero a haci tiki pa resolve e duda creciente tocante e base legal pa e campaña extraordinario di presidente Donald Trump pa usa podernan di guera tocante supuesto traficante di droga.
