Oficial di salud na Merca ta investigando si sigaria electronico por causa convulsion cerca algun persona cu ta uza aparato di nicotina pa huma. Esaki segun FDA, cu a revisa 35 rapport di convulsion cerca persona cu ta uza sigaria electronico, mayoria di nan hoben.
Segun ta avisa cu ainda no ta sigur si esey ta responsabel. Pero ta mustra preocupacion y curasha publico pa trece dilanti cualkier informacion acerca di e problema. Mayoria di e siagaria aki ta traha door di kenta un solucion nicotina cu sabor, cual ta inhalabel.
Mucho di e sigaria electronico ta recargabel, cu por uza cu formula di nicotina of potencia variabel. E intoxicacion di nicotina por causa convulsion, sacamento, problema cerebral. FDA a adverti cu e por tin potencial mortal den intoxicacion pa nicotina den baby y mucha cu ta ingeri nicotina accidentalmente.
E convulsion aki por dura algun seconde of minuut, y por causa daño permanente. E por ta un señal di desordo neurologico cu mester ayudo medico. Den algun caso, e sigaria electronico ta ser uza cu droga manera marihuana y amphetamines.
FDA ta pidi pa consumidor raporta problema. E agencia ta buscando detaye pa asina por sa mas, y si algun hende a yega di tin problema tambe bebiendo medicamento hunto cu sigaria.
E ultimo preocupacion ta produci pa impulso nacional pa combati e uzo di sigaria entre menor di edad, pa motibo cu esaki ta mas popular den studiante di scol secundario y primario. Luna pasa, a duna restriccion nobo den benta di sigaria cu smaak. Funcionario local ta considerando restriccion di edad, impuesto y prohibicion di smaak pa mantene leu di adolescentenan.
)
