(AFP) – Merca y Iran a intercambia atake aereo y di misil diadomingo, mientras Washington a busca pa “castiga” Teheran pa e prome baha militar Mericano desde reanudacion di hostilidad abierto den e guera di Medio Oriente.
Un acuerdo preliminar pa stop e guera a collapse mientras e enemigonan ta bataya pa kibra un impasse tocante e Estrecho di Hormuz, un via acuatico clave pa suministro global di petroleo.
Iran a bisa cu a ataca dos base Mericano na Kuwait den contesta na mas di un siman di atake intensificando, cual Teheran ta bisa a dal sitionan di transporte y infrastructura, incluyendo un planta di coriente nuclear den construccion.
Jordania tambe a reporta cu a intercepta misil, un dia despues cu ehercito Mericano a bisa cu dos miembro di servicio a ser mata eynan diabierna mientras nan tabata “defende contra misil balistico y atake cu drone Irani.” Comando Central Mericano a bisa cu otro ainda tabata desapareci den accion.
Ehercito Mericano a bisa cu a ehecuta un di ocho anochi consecutivo di atake contra Iran pa “rapidamente castiga e forsanan di Cuerpo di Guardia Revolucionario Islamico cu a lansa ataca contra miembronan di servicio Mericano,” Comando Central a bisa.
E mortonan di diabierna a trece na 16 e cantidad confirma di fatalidad militar Mericano desde cu Merca y Israel a lansa e guera cu un ola di atake contra obhetivonan Irani dia 28 di februari.
Organisacion di Energia Atomico di Iran a bisa cu Merca a ataca e planta di coriente nuclear Darkhovin, cu ainda no ta completa, den sur occidente di e pais, yamando e “un acto agresivo y brutal contrario na ley internacional.”
Vigilante nuclear di UN a bisa cu ta mirando e rapport, notando cu e planta “no tabata contene material nuclear na momento cu IAEA a bishita ultimo biaha.”
Asina mes, director di IAEA, Rafael Grossi a reitera su “yamado pa moderacion militar den cercania di tur sitionan cu relacion nuclear,” e agencia a bisa riba X.
Despues cu sirena a zona na Jordania, ehercito Israeli a bisa cu su forsanan hunto cu Jordania a intercepta un misil Irani bayendo na e ciudad Jordano di Aqaba.
Iran no a asumi e atake inmediatamente, pero embahada Mericano na Amman anteriormente a adverti su ciudadanonan di un “menasa specifico y creible” contra waf y aeropuerto di Aqaba.
“Si Iran lansa misil contra Israel, nos ta bay ataca nan cu forsa completo,” minister di Defensa Israeli, Israel Katz a bisa, agregando cu e tabata “prepara” pa accion “tanto defensivo como ofensivo” contra Teheran si ta necesario.
Den Golfo, cu a carga mayoria di e peso di atakenan di represalia di Iran, ministerio di Electricidad di Kuwait a bisa cu un planta di coriente y awa a keda ataca pa di dos dia consecutivo, causando candela.
Ehercito di Bahrain tambe a bisa cu su defensa aereo a “confronta, intercepta y destrui un cantidad di atake aereo traicionero di Iran,” acusando Iran di ataca civilnan.
E violencia renoba inicialmente tabata impulsa pa atake Irani contra barco den Estrecho di Hormuz.
Iran a cera e paso pa cargamento di petroleo y gas despues di comienso di e guera, y control riba e estrecho a bira un punto den su negociacionnan cu Wasington, cu a reimpone su propio blokeo riba wafnan Irani.
Diadomingo, Guardia Revolucionario a bisa cu a stop dos barco purbando di transita e estrecho.
Speransa pa un resolucion politico pa e guera a mengua, maske mediadornan a purba di trece ambos banda back na mesa di negociacion.
Potret: AFP PHOTO / US CENTRAL COMMAND PUBLIC AFFAIRS
