U.S. Secretary of State Antony Blinken speaks at a press conference following the NATO foreign ministers meeting n Oslo, Norway, Thursday, June 1, 2023. (AP Photo/Sergei Grits)

(AP) — Administracion di Biden ta tumando represalia despues cu Rusia a suspende e tratado nuclear New START, anunciando diahuebs cu ta revocando e visa di inspectornan nuclear Ruso, rechasando aplicacionnan pendiente pa monitornan nobo, y cancelando permisonan standard pa avionnan Ruso drenta espacio aereo Mericano.

Departamento di Estado a bisa cu ta tumando e stapnan aki y otronan como respuesta na e “violacionnan andando” di Rusia pa cu e New START, e ultimo tratado di control di arma cu ta resta entre ambos pais, cu actualmente ta den disputa severo pa motibo di invasion Ruso na Ucrania.

“Merca ta comprometi na implementacion completo y mutuo di e tratado New START,” a bisa. “Consistente cu e compromiso aki, Merca a adopta contramedidanan legal den respuesta na e violacionnan andando di Federacion Ruso pa cu e tratado New START.”

E departamento a bisa cu e revocacion di visa y rechaso di aplicacion, como tambe un decision di Merca pa stop di comparti informacion riba estado of ubicacion di misil y data di telemetria riba lansamentonan test cu Rusia, tabata consistente cu ley internacional pa motibo di accionnan di Rusia.

Sinembargo, Merca ta bay continua notificando Rusia ora haci lansamento di test, a bisa, agregando cu e stapnan cu ta tumando ta reversible si Moscu ta bolbe cumpli cu e tratado.

Rusia a suspende su participacion den New START na februari, den un movida cu Merca a bisa tabata “legalmente invalido.” Inmediatamente despues, Moscu a reduci su cumplimento cu e tratado.

Permiti inspeccion di sitionan di arma y duna informacion riba e ponemento di misil intercontinental y balistico basa riba submarino, y test di nan lansamento, ta componentenan critico di New START, cual presidentenan e tempo ey, Barack Obama y Dmitry Medvedev a firma na 2010.

Na maart, Merca a anuncia cu e y Rusia a stop di comparti data di arma nuclear bianual cu otro. Merca a bisa cu tabata kier continua pa comparti esaki, pero a stop despues cu Moscu a informa Washington cu no lo comparti su data.

A pesar cu a extend’e brevemente despues cu presidente Joe Biden a asumi su cargo na januari 2021, New START ta presiona severamente pa e guera Ruso na Ucrania y ta debil desde cu presidente Ruso, Vladimir Putin a anuncia cu Rusia ya no ta bay cumpli cu su rekisitonan.

E tratado ta limita cada pais na no mas di 1,550 warhead nuclear lansa y 700 misil y bomber lansa. E acuerdo ta envisiona inspeccionnan amplio pa verifica cu ta cumpli. E inspeccionnan a stop na 2020 pa motibo di pandemia di Covid-19. Discusionnan pa reanuda esaki mester a tuma lugar na november 2022, pero Rusia a cancela esakinan abruptamente citando e sosten di Merca pa Ucrania.

Departamento di Estado Mericano a bisa cu a avisa Rusia di e contramedidanan prome cu tempo y tambe a informa cu Washington ainda ta interesa pa mantene e tratado na bida.