Un agente policial, fuera di ora di servicio, a tira paden di e bodega di un Costco Wholesale, matando un homber kende a atak’e, y heridando dos otro, segun departamento di polis di Corona a informa.
Persona cu tabata cumprando a sinti medio y a cuminsa sconde ora cu nan a tende e zonido di tironan. Entre e heridonan ta inclui un polis di Los Angeles cu a keda cu herida chikito, y el a sali di hospital segun informe di polis.
E sospechoso no a wordo identifica, pero oficialnan na e sitio despues di e suceso a bisa cu e persona ta den custodio. Autoridad a drenta den e tienda. Testigo a bisa KCAL-TC cu homber cu cabey ‘mohawk’ a cuminsa un discusion cu e polis, kende despues a saca su arma di candela y cuminsa tira 6 biaha.
E homber envolvi den e discusion a resulta morto, y otro dos persona ta herida, agente di polis di Corona, Lt. Jeff Edwards a bisa. Segun declaracion di polis e condicion di e heridonan no ta conoci.
Tampoco a duna ningun identificacion. Polis a bisa cu no lo anuncia e nomber di e fayecido te ora cu nan logra informa e famia. Segun testigo, persona y trahado di e luga a cuminsa core pa sali e luga. Nan raporta cu mas di 100 persona tabata pafo di e tienda. Hende a laga tas, celular y nan pertenencia atras.
