(AP) —Ehercitonan Sur Koreano y Mericano a anuncia ayera cu nan ta bay tene nan ehercicionan militar conhunto den cinco aña e luna aki, mientras Merca a bula un avion B-1 B bomber den Peninsula Koreano den un muestra di forsa contra Nort Korea.
Nort Korea a menasa di tuma accion fuerte “sin precedente” contra ehercicionan asina. Ta probable cu ta bay responde na e training cu test di misil pasobra ta mira nan como un ensayo di invasion.
Den un conferencia di prensa conhunto, ehercito Sur Koreano y Mericano a bisa cu nan ta bay tene e ehercicio Freedom Shield, un training di post di comando simula pa computer, di dia 13 te 23 di maart pa reforsa nan capacidad di defensa y respuesta, y ehercicionan separa a gran escala yama Warrior Shield FTX.
Col. Isaac L. Taylor, vocero pa ehercito Mericano, a bisa cu e training ta bay inclui un ehercicio amfibio y cu nan tamaño lo bolbe na e escala di e ehercicionan anterior di e aliadonan den tempo di spring, yama Foal Eagle. Ambos pais a tene Foal Eagle pa ultimo biaha na 2018. Despues nan a cancela of reduci e ehercicionan combina pa sostene e diplomacia awo para cu Nort Korea y protege contra pandemia di Covid-19. Recientemente, sinembargo, ambos pais ta bin expandiendo nan ehercicionan militar conhunto mirando un menasa nuclear Nort Koreano den evolucion.
E lansamento ayera di un US B-1B tabata e prome vuelo asina di e aeronave den training conhunto cu avionnan Sur Koreano desde dia 19 di februari. Nort Korea ta altamente sensitivo na e lansamento di B-1Bnan, cual ta capaz di carga un cantidad grandi di arma convencional. A responde na e vuelonan anterior cu varios B-1B door di haci lansamento di test di dos misil di rango corto e siguiente dia.
Ministerio di Defensa Sur Koreano a bisa cu e uso di un B-1B a demostra e determinacion y habilidad di Merca pa usa henter e rango di su capacidadnan militar, incluyendo nuclear, pa defende su aliadonan.
