Mester inicia ataca fenomeno di violencia domestico na scol mes

Docente di formacion personal di Unit di Economia na EPI, Roland Tromp a bin cu un enfoke nobo y interesante riba e problema di violencia domestico. Durante un presentacion cu el a haci pa Fundacion Pa Hende Muhe den Dificultad (FHMDD), sr. Tromp for di perspectiva di hende homber, a propone cu enbes di menciona e palabra violencia domestico bin cu “amor domestico”.

“Enbes di menciona e palabra violencia domestico bin miho cu amor domestico y amor den famia. Kiermen duna un otro acercamento pasobra hopi biaha cu nos ta acerca un topico asina negativo, locual nos ta persisti ta insisti”, e ta laga sa.

E ta haya cu eventualmente hende homber ta mas protagonista di violencia domestico cu hende muhe. Un motibo ta cu hende homber tin mas hopi problema pa busca ayudo profesional; y te hasta tin biaha e hende homber ta esun cu tin biaha ta warda hopi dolor cu hende muhe. P’esey den algun caso di violencia domestico ta wordo expresa ya cu hende homber no a siña expresa sino cu nan a siña dal of bringa.

Aworaki den un sociedad moderno e situacion aki ta creando problema pa hende homber mes, pero pa nan famia y pa nan  pareha cu consecuencia di prizon y te hasta mas lamentabel y extremo di morto. P’esey e ta haya cu mester cuminsa ataca e problema di violencia domestico cu e mucha homber den scol mes, pero tambe den famianan.

“E mucha homber cu ta haya sota y cu ta wordo golpia y maltrata, e ta e abusado di mañan.” P’esey e ta haya cu e base pa ataca e problema di violencia domestico ta tratando e muchanan cu a biba y cu a wordo lanta den un ambiente no sano di violencia domestico.

Si un materia di formacion personal ta yuda kibra e cadena di violencia domestico, meneer Tromp a laga sa, cu e ta purba cu e por bira un instrumento pa atende cu e asunto aki. Ya cu den su materia e tin un curriculum cu ta yama escogencia di pareha cu ta un modulo di 8 siman unda nan ta purba trece cu nan por scoge e pareha a base di charla duna pa oradonan invita. Nan ta papia riba topico di relacion sano, sexualidad sano, higiena sexual, etc..

Tambe nan ta papia riba e tereno di comunicacion ya cu “un relacion ta mas cu solamente sexualidad”. E tin di haber cu comunicacion, igualmente e parti spiritual, legal, etc.. E ta haya cu mester inicia na scol mes ta ataca e fenomeno di violencia domestico den nos comunidad efectivamente, pa evita esaki pa mañan.

You May Also Like

Minister Lampe a pone independisacion di scol publico den ‘hold on’

E intencion cu minister di Enseñansa, Rudy Lampe (RED) tabatin pa bin cla den ...

parke marino

Ainda no a bin cu cambio riba ley pa parke marino

Vice presidente y secretario di Aruba Marine Park, sr. Castro Perez a declara na ...

Accion venezuela (1).jpg

Grupo di Venezolano a expresa nan solidaridad cu gran “Toma de Venezuela”

Mientras cu den henter teritorionan di Venezuela hendenan a cuminsa mobilisa pa loke a wordo ...

5P3A8213.jpg

Problema den apartament a caba na menasa y agresion

Un famia tin basta dia ta wanta menasanan di un cabayero cu nan a ...

Aruba Short Film Festival ta exhibi talento local

Ayera anochi a tuma luga Aruba Short Film Festival na Crystal Theater. Durante e ...