(AP) – Sastreria masculino tabata e tema di e anochi. El a inclui famosonan bisti cu tuxedo, y varios muhe cu detayenan cu tipicamente ta consdiera masculino.
E tema di e anochi tabata “Tailored for You,” cual ta inspira pa e estilo ‘Black Dandy’ pa un anochi unda ta recauda fondo pa Met su Costume Institute. E gala a recauda 31 miyon dollar prome cu el a cuminsa.
Nikki Ogunnaike, hefe di redaccion na Marie Claire, a nota algun moda cu a haci corectamente. “E modanan top di e anochi tabata: Blanco cu preto (Zoe Saldaña, Whoopi Goldberg y Gabrielle Union), Pinstripes (Alicia Keys y Swizz Beats), trahe (Lupita Nyong’o y Ego Nwodim) y pechi (Whoopi Goldberg y Teyana Taylor).”
Emma Chamberlain y Zuri Hall ta entre esnan cu a bisti shimis elegante cu ta haci uso di hende homber su siluetanan mientras nan tabata subi e trapi iconico di Metropolitan Museum of Art. Zendaya, ken tabata un co-anfitrion aña pasa, a bisti un trahe blanco perfectamente traha pa su persona cu un pechi pa compaña e traha di Louis Vuitton mientras cu Lauryn Hill a honra bistimenta di hende homber cu un trahe geel cu sastreria exagera cu tabata expresa “Black power.”
E vibra di bistimenta di hende homber pa muhe tabata frecuente y esaki tabata anticipa, “muhenan cu kier a mantene un silueta di shimis femenino a haci esaki mientras toch nan a respeta e tema,” William Dingle, director di estilo pa blackmenswear.com, un agencia di impacto cultural cu ta enfoca riba empodera hende homber di color scur.
Alicia Keys y su casa, Swizz Beatz, a invoca e patron ‘pinstripes’ bastante den color cora, cu su estilo di cabey vlecht cu diamantenan riba dje.
Doja Cat, conoci pa su estilo unico ora ta trata moda, a bisti un bodysuit di Marc Jacobs cu detayenan ‘wildcat’ oraño y preto y ‘pinstripe’ riba e schouder. Taylor a bay pa un look cora yama ‘Zoot Suit’ cu un capa grandi pa match e yen di flor y diamante. El a colabora cu e famoso diseñador Ruth. E. Carter.
Pa loke ta trata hende homber, co-anfitrion A$AP Rocky a bisa The Associated Press cu Anna Wintour a sugeri e bisti panja di un diseñador color scur, “pues mi a bisti mi mes,” e musico a comparti tocante su paña traha pa su agencia creativo, AWGE, completo cu un parka preto y un paraplu di diamante. “Tur cos ta diseña pa ami mes.”
Colman Domingo, di e anochi su anfitrionnan, a bisti un capa di oro dorna riba un trahe shinishi cu preto. Su look, incluyendo e capa, a rindi homenahe na Andre Leon Talley, e icono di moda cu a crea historia como un editor color scur na Vogue.
