Meteo: tempo ta keda instabil. Suplica: warda hagel den freezer

hagel na Aruba

Meteo a informa cu pa e proximo 24 ora ainda un disturbio den nivelnan mas halto di atmosfera ta mantene e aire instabiel. E chens pa un yobida isola companja cu lamper
y strena ta keda posibel.

E instancia ta informa tambe cu no por a midi awacero pa motibo cu lamper a causa un fayo den nan equipo na aeropuerto. Nan a logra si di drecha e aparato. Na Hadicurari si por a midi 61mm di awa cu a cay. 

Meteo tambe ta na haltura cu diferente persona a observa hagel cu a cay na Noord. Normalmente den nos area tur hagel ta bira awa prome cu yega abou, segun e instancia. “Loke a wordo observa porta ta mustra cu e hagel den nivel halto lo tabata hopi grandi mes door di movecion vertical fuerte, y cu maske e hagel a dirti, toch un pida ijs isola (hagel) hopi chikito a yega superficie. Door cu personal di Meteo mes no por a verifica e observacion, y ta dificil pa verifica autencidadnan di e potretnan e ta keda un observacion no oficial.”

Pues ta pidi hende otro biaha pa saca un potret y pone e posibel hagel den freezer te ora personal di Meteo por observe di mas aserca.

Video y potret di hagel na Aruba

You May Also Like

2juniNG situacion caotico.jpg

Hefe di Duana : Unda cu yega tin cu haci control

Durante fin di siman cu a pasa tabata tin papia den algun medio di ...

Byron Boekhoudt

Operadonan di buceo mester contribui mas pa combati Lionfish

Diaranson mainta, Biologo Marino sr. Byron Boekhoudt di departamento di Santa Rosa y afilia ...

Hoben scout cambiando mentalidad riba uzo di plastic diario

Ayera mainta a tuma luga un actividad di Arubaans Padvinsters Gilde, como parti di ...

Aankomst031.JPG

Studiantenan a yega bon Hulanda

Cu tres vuelo di KLM a yega awe 31 di juli un cantidad di ...

Studiante: ‘Nunca mi a pensa cu tecnologia lo ta asina grandi riba un pais asina chikito.’

Riba diabierna ultimo durante conferencia di innovacion Atech Bon Dia a acerca un compania ...