‘Meter subsidia y no truck di distribui awa pa agricultura’

Un problema grandi cu nos cunukeronan local ta confronta pa añanan algo  tin di haber cu e transporte of distribuido di awa pa nan cultivonan.  Esaki tabata e punto cardinal cu algun di e  cunukeronan  invita den e acto di firma di un MoU a yega di expresa ayera mainta na Santa Rosa.

Den pasado promesanan  y iniciativanan a wordo haci, pero ainda e problema t’ey keto bay. Pa e cunukeronan e solucion  mester ta uno mas practico y lihe, sin mester di tanto logistica y/of transporte. Nan tur tin meter of conexion di awa, y nan ta awa di bon calidad. Pero e awa aki mester ta mas barata of subsidia pa asina ofrece mas produccion  y prijs mas competitivo. Esaki lo evita un cadena largo di distribuido, problemanan y gastonan.

Paula Kock kende hunto cu su casa abogado David Kock tin un cunucu na Alto Vista a declara na Bon Dia Aruba cu e problema cu nan ta confronta tin di haber principalmente  cu awa.  E iniciativa pa bin  cu un MoU (acuerdo) pa atende e problema aki ta importante. Sinembargo e no ta faya factibel pa sigui distribui awa via truck. Experiencia di pasado a mustra e dificultad cu e cunukeronan ta pasa aden pa Santa Rosa por abastece nan di awa.

“Nan no tin e trucknan. Of tin biaha e trucknan ta daña.” E ta haya cu e miho alternativa lo ta pa abastece nan di via meter di awa, pero cu un tarifa special y accesibel. Actualmente e tarifa ta 9.50 florin pa meter cubico di awa. Nan tin un deposito pa 10mil meter cubico locual ta yega pa apenas 2 dia. “Si nan por baha e prijs, e lo ta fabuloso pa nos como cunukeronan.”

E promesa haci di pasado pa introduci un meter special pa e cunukeronan no a wordo ehecuta ainda. Segun director di WEB, e cunukeronan ta hopi plama rond di nos isla. E echo cu si nan mester bin cu cierto infrastructura pa cada un ta haci esaki practicamente impagabel.  Nan ta buscado alternativa ya sea visa Santa Rosa of direct cu e cunukeronan. Mientras cu minister Romero a expresa su solidaridad cu e cunukeronan presente.

Pero el a laga sa cu nan kier bin cu ideanan pa e suministro di awa pa nan lo ta sostenibel pa futuro tambe. Un solucion cu nan ta evalua den corto plaso ta con gobierno lo por subsidia e awa cu ta bin directamente for di WEB.  Igualmente e subsidio aki lo por ta via di baha e tarifa temporalmente pa e cunukeronan, mientras cu nan lo por yega na un solucion duradero.

 

 

You May Also Like

Byron Boekhoudt

Operadonan di buceo mester contribui mas pa combati Lionfish

Diaranson mainta, Biologo Marino sr. Byron Boekhoudt di departamento di Santa Rosa y afilia ...

rene-herde.jpg

Marisol Lopez Tromp independiente: Parlamentario Rene Herde ta reserva di duna comentario

Den cuadro cu e ultimo informe cu presidente di parlamento Marisol Lopez Tromp a dicidi ...

Ministerio Publico di Aruba y di Colombia ta firma MOU

ORANJESTAD – Diaranson ultimo procurador general di Aruba Alexander van Dam y Fiscal General ...

Skema di siguridad extra pa Mini Mega Plus di 3 miyon 150 mil florin

E expectativa ta grandi den nos comunidad riba kende lo bira e feliz ganado ...

5P3A9857.JPG

Polis a haya homber sunu den auto cu menor di edad

Dialuna anochi patruya di Santa Cruz atento a tuma nota di un auto bahando ...

8dowers maneho prizon (1).JPG

Maneha un prizon moderno ta mas eficiente cu maneha prizon di Aruba

Minister di husticia di cada pais den Reino, ta responsabel pa e situacion di ...