Mexicanonan mas insigur cu antes den nan mes ciudad

Mexicanonan ta sinti nan mes mas insigur den nan mes ciudad cu antes. E encuesta mas reciente encuanto seguridad publico urbano, publica e siman aki pa e Instituto Nacional di Estadistica y Geografia (INEGI), a afirma cu e percepcion di inseguridad a aumenta cu 4% den e ultimo diesdos luna. 76% di e Mexicanonan ta sinti nan mes insigur bibando den nan ciudad na 2017, mientras cu den e mesun periodo di 2016 tabata 71,9% di e poblacion lcu a duna e mesun contesta.

Hende muhe ta mas temeroso pa cu inseguridad den nan ciudad. 80,3% di esnan encuesta a reconoce cu nan ta sinti insigur den e lugar unda nan ta biba. Esaki ta e cifra mas halto midi pa e instituto estadistico desde nacimento di e encuesta, na september 2013. Hende homber ta mas abao, cu 71,1% di percepcion di inseguridad. Mester bolbe te na maart di 2014 pa haya un cifra asina halto manera esun revela awor pa INEGI.

E encuesta ta ser realisa cada trimester y tin un cobertura di 55 ciudad a lo largo di Mexico. Villahermosa, capital di Tabasco (sureste), ta e ciudad cu a registra e percepcion di inseguridad mas halto, cu 98,4%. E segundo lugar ta ocupa pa Coatzacoalcos cu 97%, un ciudad di Veracruz na 170 kilometro di e capital di Tabasco. E ciudadnan aki ta ser sigui pa e region norte di Ciudad di Mexico (94,8%); Reynosa, Tamaulipas (93,6%); Ecatepec, estado di Mexico (93,5%) y e oriente di Ciudad di Mexico (93%). En total, 14 ciudad tin un percepcion di inseguridad riba 85%. 22 ciudad ta entre 70,6% y 85%.

En cambio, e habitantenan di Merida, capital di Yucatan (sureste), ta e Mexicanonan cu ta sinti nan mes mas sigur den nan ciudad. Solamente 27,4% ta declara di sinti nan mes insigur. Ta sigui Puerto Vallarta, Jalisco (28,9%); Piedras Negras y Saltillo, ambos na Coahuila, cu 34,3% y 42,2%, respectivamente.

Ocho di cada dies Mexicano ta sinti nan mes insigur usando un ATM riba caya. Y siete di cada dies no ta sinti nan mes sigur usando transporte publico den nan ciudad. E Mexicanonan encuesta, mayor di 18 aña ta sinti nan mes mas sigur den scol (25,8% di percepcion di inseguridad), cu na nan cas (29,7%).

Polis municipal, esun evalua mas abao

E Encuesta Nacional di Seguridad Publico Urbano tambe a midi confiansa di ciudadano den e autoridadnan encarga cu combati delincuencia. Esun cu a sali miho ta Marina, considera efectivo pa 87% di e poblacion. Ta sigui Ehercito cu 84% y, na tercer lugar, Gendarmeria, cu 72%, un cuerpo di Polis Federal, percibi menos eficaz (65%). Polis estatal (50%) y municipal (40%) ta esunnan evalua mas abao aunke ambos a mehora, si compara cu nan resultadonan anterior di e encuesta.

E ciudadnan cu e polis municipal evalua mas abao ta Ecatepec, Villahermosa, Ixtapa (Guerrero) y Tapachula (Chiapas). Esunnan mas eficaz, segun nan ciudadanonan, ta di Merida, Puerto Vallarta y Piedras Negras.

You May Also Like

Situacion grave entre pacientnan di epilepsia na Venezuela

(ElNacional) – Caracas – Na Venezuela por lo menos 60% di e pashentnan di ...

Indice di asesinato na Puerto Rico casi igual cu mesun periodo 2016

Te cu siman pasa, cuerpo policial di Puerto Rico a reporta 438 asesinato pa ...

Argentina ta ‘un paso for di e collapse economico’, Forbes ta adverti

E revista Mericano Forbes, specialisa na finansa y negoshi, a adverti den un di ...

Rio de Janeiro ta pidi asistencia di ehercito pa carnaval

E alcalde di Rio de Janeiro, Marcelo Crivella, y e presidente di Riotur, Marcelo ...

Perspectiva economico pa Trinidad & Tobago positivo pa 2018

E aña aki, actividad economico den sector di energia, esun principal di e pais ...

Gobierno di Brasil ta prohibi exporta gas lacrimogeno pa Venezuela

Gobierno Brasileño a para exportacion di gas lacrimogeno pa Venezuela di un empresa cu ...