Mexico: 2000 mucha asesina den guera narcotrafico

Den 10 aña di guera den narcotrafico, mas di 2000 mucha y adolescente a perde nan bida. Na 2006 e mortonan di mucha tabata mas vincula cu ‘fuego cruzado’ pero desde 2011 e atakenan a bira directo. Inclusive cu e cartelnan tabata descuartisa o ehecuta mucha chikito pa manda mensahe di horor pa nan rivalnan.

E organisacion ‘Red por los Derechos de la Infancia en México’ (REDIM) a documenta e episodionan aki y den su ultimo informe ta referi na cu e menornan di edad no ta victima so di homicidio, sino tambe d desaparicion, secuestro, violencia sexual y otro crímen di impacto halto.

“No tin dato oficial cu ta relaciona homicidio cu e operacionnan di e guera contra narcotrafico, pero nos a inicia un recuento a partir di 2006 (tumando na cuenta e homicidionan di menor dentro di e actonan di violencia) y nos a ripara cu e logica a cambia: prome tabata homicidio den tiroteo, pero desde 2011 tabata trata no di atake directo so, sino di mutilacion o vengansa entre gruponan criminal”,  Juan Martín Pérez García, director ejecutivo di REDIM, a declara na Univision Noticias.

Di 1990 pa 2015, mas di 30,000 homicidio di mucha a keda registra na Mexico, di acuerdo cu e basenan di dato di ‘Instituto Nacional de Estadística y Geografía’ (INEGI). Di acuerdo cu REDIM, a asesina na Mexico 1,057 menor di edad na 2015, cierto di nan den crimen relaciona cu e guera contra narcotrafico, aunke no ta existi estadistica oficial.

Actualmente ta existi 5,242 mucha y adolescente entre 0 y 17 aña di edad desapareci. Hopi di nan, segun Redim, a cay den man di crimen organisa, sea pa reclutamento forza o pa trafico di persona.

REDIM a agrega cu e Comite di Derecho di Mucha di Nacionnan Uni a recomenda Mexico na juni di 2015 pa revisa e strategia di combate contra narcotrafico pasobra tabata afecta e bienestar di menor, den delito manera homicidio, desaparicion y reclutamento forza.

You May Also Like

fa9b2a62a30e3d783d81fba73fa1f679.jpg

Ex Polis: OJ Simpson ta bay confesa

Un ex oficial di polis kende a duna prueba den caso di corte di ...

28 Haitiano ta perde bida na costa di Bahamas

Dilanti e costa di Bahamas un cantidad di por lo menos 28 persona di ...

Candela na Paris mas letal desde 2005

E candela di mas mortal den mas cu un decada na Paris a mata ...

151002-el-faro-mn-1655_fd09326e555bd75a6b61f4fdbe8ade40.nbcnews-ux-2880-1000.jpg

Prome morto di e barco El Faro a wordo haya

MIAMI – Guarda Costa di Merca a haya e prome curpa di un homber cu a hoga ...

USA: Trump ta suspende tratado nuclear cu Rusia

Secretario di Estado Mike Pompeo a anuncia ayera cu Estadonan Uni ta suspende e ...