E atake a ser produci den oranan di anochi, ora Maricela Vallejo Orea, alcalde di e municipio di Mixtla di Altamirano, estado Mexicano di Veracruz, tabata core riba e caretera for di Zongolica pa e ciudad di Orizaba.
Meymey di un imparabel ola di violencia cu Mexico ta bibando, delincuencia a cobra e bida di un funcionario publico mas, Maricela Vallejo Orea, kende a ser asesina diaranson pasa na un atake den cual tambe a muri su casa y su chauffeur, autoridadnan local a informa.
“Ami ta expresa mi condolencia pa e famia di e alcalde di Mixtla di Alatamirano, Maricela Vallejo Orea, y su casa Efrén Zopiyactle, ken hunto cu su chauffeur, a perde nan bisa despues di un atake arma”, Hugo Gutiérrez, secretario di Siguridad di Veracruz, a informa via Twitter.
Su auto a ser alcansa pa otro, ora varios homber arma fuertemente a tira contra nan. Den e zona a desplega un operativo di forsa di siguridad, buscando e presunto responsabel.
Veracurz ta considera como un di e estadonan mas violento di Mexico, pa e bringamento entre cartel di droga. Diabierna pasa, un atake arma contra un fiesta na e ciudad di Minatitlán a laga 13 morto, incluyendo cinco muhe y un mucha menor di edad.
