E tempo na Mexico ta refleha con mayoria hende ta sintiendo den e momentonan aki – e ta miserabel, friu y ta sinti manera cu winter a yega. Pero Mexicanonan no a ripara awasero riba diamars anochi mientras cu nan tabata spera resultado di eleccion Mericano. Inicialmente tabata tin un sentimento di celebracion. Un fiesta a wordo organisa riba Facebook den e caso cu Trump mester a perde. Miles di hende tabata cla pa bay ‘Angel Of Independence’ cual ta un centro iconico den e capital pa celebra derota di Trump. Sin embargo, e ambiente a transforma den uno estilo funerario.
Peso ta baha
Presidente di Mexico Enrique Pena Nieto a tweet riba diaranson bisando Merca pabien den su proceso electoral. Mexicanonan ta preocupa cu e resultado aki seguramente den e banda economico. Locual ta preocupa Mexicano ta e dolor economico cu lo por bini di un presidencia di Trump. E peso a baha 13% despues di e resultado di Trump su victoria – e bahada di mas grandi den 20 aña.
Por lesa mas aki: BBC
