(EFE) – E presidente Mexicano, Andrés Manuel López Obrador, y e vice-presidente di Merca, Kamala Harris, ayera diamars a firma un memorandum entre e Gobiernonan di ambos pais den materia di cooperacion migratorio na Palacio Nacional di Mexico.

E firma a tuma luga na e Patio di Honor di e sede presidencial cu tabata dorna cu banderanan Mericano y Mexicano, minuutnan despues cu Harris a wordo ricibi pa Lopez Obrador den cual ambos lo mester a haci un encuentro priva.

Lopez Obrador y Harris a firma e documento conhuntamente cu e secretario di Relacionnan Exterior di Mexico, Marcelo Ebrard, y e persona encarga di Negoshinan di embahada di Merca na Mexico, John S. Creamer.

Prome cu esey den e conferencia di prensa di Lopez Obrador, e canciyer Mexicano a informa cu e memorandum di entendimento riba cooperacion internacional lo permiti promove y “fomenta opcionnan” na e paisnan di Centro America, specialmente Guatemala, Honduras y El Salvador.

Ebrard a splica cu e memorandum ta trata di e compromiso di extende na Centro America e proyectonan di reforestacion Sembrando Bida y esun di beca Hobennan Construyendo Futuro, cu ta haya impulso for di Gobierno di Mexico.

E programanan aki ta funciona caba na El Salvador y Honduras, y aproximadamente lo aplica na Guatemala.

E canciyer a aclaria cu e acuerdo firma “no ta implica un transferencia di recursonan”.

“Merca y Mexico ta comparti historia y famia. Nos economia ta liga y nos siguridad ta depende un di otro. Mi ta na Ciudad di Mexico pa renoba e importante relacion cu Mexico”, Harris a bisa riba Twitter prome cu e lo a yega na Palacio Nacional.

Durante e encuentro ambos lo papia riba siguridad di frontera comun y desaroyo economico di Centro America y di sur di Mexico.

Tambe tin planea cu lo trata e reforma laboral Mexicano, desaroyo empresarial y lucha contra trata di personanan.

LEAVE A REPLY

Please enter your comment!
Please enter your name here