(NLTimes) – Carni y lechi di baca y porconan Hulandes ta contene microplastic, segun investigadornan di Universidad VU Amsterdam.
Tambe nan a haya cantidad chikito di por lo menos 3 plastic den e sanger di e bestianan cu nan a studia cual tabata 12 baca y 12 porco.
E estudio tabata mediano den tamaño, sinembargo Plastic Soup Foundation, cu a comisiona e estudio aki, tabata sorprendi.
E investigadornan tambe a haya por lo menos un tipo di plastic den 7 muestra di beef cu a test y den 5 di e 8 pida di porco cu a test. 18 di e 25 muestra di lechi tambe tabatin microplastic. E investigadornan ta pensa cu cuminda contamina por ta e manera con e microplasticnan aki a caba den e bestianan aki. Cuminda fresco cu nan a test no tabata contene particula di plastic. Sinembargo, nan a haya microplastic den tur 12 muestra di pupu y cuminda actual di e bestianan.
“E estudio aki ta trece dilanti preocupacionnan hopi serio tocante nos cadena di cuminda cu microplastic,” Maria Westerbos, director di Plastic Soup Foundation a bisa. El a agrega cu “e cunukeronan no ta responsable pa esaki.” Segun Westerbos, aparentemente algun di e restonan di e industria di cuminda ta “procesa pa bira cuminda di bestia, cu pakete y tur cos.” E fundacion ta sospecha cu “practicamente tur pida steak y hamburger” ta contene particula di plastic.
