Na Universidad di Utrecht a tuma lugar un reunion di Studenten Commissie Aruba cu Gabinete di Aruba, representa pa director di Gabinete di Aruba Joselin Croes LL.M/M.Sc.y Jennifer Sneek di departamento di Enseñansa di Gabinete di Aruba.
Esaki ta e prome reunion entre SCA y Gabinete di Aruba desde e instalacion di SCA riba 7 di Februari 2025. Na e ocasion aki, e miembronan di SCA a duna un presentacion riba nan “Beleidsplan Studenten Succes 2025 – 2030. E plan ta concentra riba algun topiconan cu ta hunga bou di studiantenan Arubiano y cu por tin efecto riba nan estudio, manera salud mental, discriminacion, barera di idioma y vivienda.
Despues e reunion a sigui riba otro puntonan manera e posicion legal di SCA, nan presupuesto y actividadnan cu SCA tin planea pa 2025.
E potretnan ta cortesia di Arubahuis.
