Cruz Cora a laga sa cu mas di 42,000 hende a keda evacua di nan cas cerca di un volcan activo na Bali, cu autoridadnan ta bisa lo por explota na cualkier momento. E area aki rond Mount Agung a mira cientos di señal caba e ultimo dianan aki di actividad na e volcan. Autoridadnan a impone un exclusion di 12km rond di e area anto a emiti nan alerta di mas halto desde diabierna pasa. E areanan turistico y di vuelo di e isla te ainda no ta afecta. Por a mira huma di casi 200 meter halto ta emiti di e volcan trempan ayera.
Algo cu segun esnan cu ta monitoria e area “ta algo cu nunca nos a yega di mira”.
