(NLTimes) – Miles di residente di Groningen lo ricibi compensacion pa daño di temblor. Esaki a ser reporta pa Groningen Institute for Mining Damage (IMG), cual lo ofrece un pago di 5,000 euro como compensacion na personanan cu den pasado a ricibi tiki of no a ricibi compensacion mes. Den total, e instituto ta calcula cu esaki lo costa mas o menos 100 miyon euro adicional na loke ya caba a paga den compensacion pa dañonan fisico.
E compensacion adicional lo ser ofreci den e di dos mita di 2023. IMG ta calcula cu e residentenan di aproximadamente 40,000 adres cu posiblemente lo ricibi e pago. Den e manera aki, e instituto kier reduci e diferencia den e manera cu a maneha e compensacionnan.
Ademas, un rekisito pa ricibi e compensacion di 5,000 euro cu a ser ofreci desde november den aña 2021 lo caduca. “Te cu awo, bo no por haci uso di e areglo aki si un experto tabata presente. Eora, bo mester a demostra cu bo no a haya compensacion pa e daño.”
Desde e tempo aki, 30,000 persona a tuma benthaha di e skema, cual tabatin e meta di recompensa personanan cu tabatin un “chens chikito di daño”, sinembargo si a surgi dañonan segun e instituto. Pa causa di e compensacion aki, no ta rekeri prueba di daño pa e aeglo. “Tur loke nan mester haci ta comproba y laga cla cu e daño no a ser trata den pasado.”
