Durante dos siman, mas cu 90 soldad Caribense ta bay ta training hunto riba e isla di Corsou durante ehercicio Caribbean Strike. E ehercicio ta tuma lugar den areanan di Wacao, Ascension y Santa Cruz Breach.
Riba diamars 10 di juni, militar di Aruba a subi abordo di e barco di sosten, HNLMS Pelikaan, cu a hiba nan for di Aruba pa Corsou. Eynan, nan ta train varios habilidad militar hunto cu soldad Curasoleño, incluyendo infiltracion tactico den un area, patruya di reconnaissance, ehecucion di atake y emboscada, varios ehercicio di tiramento y prestacion den areanan urbano.
Ta haci e ehercicionan aki na varios locacion, incluyendo e area di training militar na Wacao, den bisindario di Ascension y rond di Playa Santa Cruz. Despues e unidadnan ta bay move entre varios area di training riba vehiculonan militar.
Caribbean Strike ta parti di desaroyo profesional di militarnan di Caribe. Door di train intensamente den escenarionan realistico, e preparacion y capacidad di despliegue di tanto e unidadnan di Aruba como di Corsou ta keda reforsa. Ehercicionan manera esaki ta esencial pa prepara e militarnan optimalmente pa nan tareanan den paisnan, incluyendo asistencia den evento di crisis of calamidad.
