Recien Mimo’s Ice cream rolls a habri su portanan na Paseo Herencia y manera a nomber mes ta bisa, e ice cream ta bin den un roll y no un scoop. E metodo di traha ice cream aki ta masha popular na Thailand, Malaysia, Cambodia y Phillippnies pa varios aña caba.
E trend aki a wordo introduci na varios parti di mundo y porfin el a yega Aruba tambe. Paseo Herencia ta orguyoso di por bisa cu nan ta e unico luga na Aruba cu ta ofrece e tipo di ice cream aki.
E ice cream ta wordo traha bo dilanti, bo ta kies bo base cual ta varia di sabor, sigui pa bo topping preferi cu lo wordo hinca den e ice cream. E topping por ta fruta fresco of chuculati nan famoso manera Twix, M&M, Snickers etc. Y pa caba di drecha e cuenta bo ta kies bo siroop preferi pa pone riba bo Ice Cream.
Mimo’s Ice Cream conhuntamente cu Paseo Herencia ta invita bo pa pasa purba e ultimo trend di Ice Cream. Nan ta habri di 5.30pm te 10.30pm y ta warda bo bishita.
