Minister Angel Bermudez : Riba iniciativa di ley di regulacion di “All Inclusive”

3juniNG Minister Bermudez.jpeg

Pa por formalisa un ley, nos ta papiando di cualkier ley aki, e mester tin suficiente base pa por carga esaki. Segun minister di finanza, Angel Bermudez, a splica cu un ley semper ora cu kier formalisa esey den sociedad, e mester wordo carga pa un base suficiente den comunidad of en todo caso den e grupo pa cual e ta bay ta na vigor. Mester haci e evaluacion ey den e caso aki si e tin e base suficiente pa bin cu e ley aki y trece na vigor, e mandatario a splica.

Ley pa regulacion di All Inclusive

E iniciativa di ley pa loke ta All Inclusive, no ta mucho diferente. Aunke cu e ta uno pisa, pa pasa, e mester wordo carga, manera ya menciona. Durante e dianan cu a pasa, por a scucha comentarionan di varios gerente general di e diferente hotelnan prestigioso na Aruba, entre nan di Marriott, Hyatt, Renaissance y hasta Manchebo, cu pa mas di 50 aña ta bende e programa di all inclusive cu nos turistanan, cual tin cu bisa no ta uno mucho positivo. E tema aki ta keda den discusion y por tende di tur banda e desbentahanan si esaki mester drenta na vigor, cual, segun e gerentenan por ta hasta devastador pa nos economia.

Banco Central den e caso aki tambe a mustra su posicion, caminda cu nan lo a menciona cu nan ta mustra interes pa un investigacion, mirando e impacto cu esaki tin den e diferente discusionnan cu ta andando.

Aunke cu ainda no tin nada formal for di Banco Central, e minister a expresa di ta aplaudi e iniciativa aki cu nan kier haci un analisis y estudio y bin cu cierto preparacion y presentacion.

Por wak cu e topico aki tin hopi punto di discusion caminda cu obviamente tin falta di bastante di dato y bastante factor di experiencia. Esey segun e minister, semper ta bon y ta enrikece un discusion riba un topico principal asina.

Banco Central mirando cu e tin tambe tur dato di banconan local, caminda cu e por tin un perspectiva monetario pa loke ta bienesnan, e resultado y e productividad pa loke ta trata e sector turistico. E por haci un profundo analisis a base di e datonan cu e tin y tambe di loke e por gana di otro instancianan y di su banda e ora, ora cu e bin cu cierto conclusion y ponencianan cu por yuda den e discusion aki, e mandatario a comenta.

You May Also Like

‘Nos tin e potencial pa ta un Isla innovativo, artistico y creativo’

ORANJESTAD – Den un reciente entrevista cu Edjean Semeleer di Go Cultura, el a ...

Consul dominicano discurso (1).jpg

Republica Dominicana tin un gran espirito di hermandad

Diasabra mainta, Consul Dominicano na Aruba, Sra. Joselyne Rosario de Rosa a gradici tur ...

likmento y stimaruba.jpg

Combustibel ta bashando stret for di refineria pero niun hende ta mir’e

Sra. Olinda Rasmijn di fundacion ambientalista StimAruba a haya straño cu ni autoridadnan concerni ...

AZV reaccion caso Koolman (JO) (3).JPG

Lo remplasa vouchernan di cuminda pa debit card

Seguro nacional AZV a haci un evaluacion y dicidi cu lo cancela e uzo ...

RdA a habri oficina cu evento priva

Diasabra anochi ultimo riba rotonde den caya principal di San Nicolas a wordo celebra ...

cuenta yahoo.jpg

500 miyon cuenta den Yahoo a bira victima di hackernan

Un gran preocupacion ta existi cerca e usuarionan di Yahoo rond mundo, entre nan ...