Minister Dangui Oduber: HBO den ‘Maatschappelijk Gezondheidszorg’ (MGZ) na Aruba

ORANJESTAD – Den luna di maart proximo, departamento sociaal psychiatrico, hunto cu Departamento Di Salud Publico, den cooperacion cu gobierno di Aruba y Instituto pa Formacion den Enfermeria (IFE Curaçao), ta cuminsa cu e estudio di ‘Maatschappelijk Gezondheidszorg’ aki na Aruba.

Mirando e necesidad pa mas enfermeronan riba e tereno di cuido social na nivel halto di educacion, a dicidi di cuminsa e estudio aki pa di dos biaha na Aruba.

En principio, tur enfermero nivel 4, cu minimo dos aña di experencia, por tuma parti na e estudio aki. Aunke e enfasis lo wordo poni na enfermeronan trahando cu hubentud y specialmente esunnan trahando na Departamento di Salud Publico, Hospital, Wit Gele Kruis, SVGA, Centro Medico (IMSAN), FMAA, KIA, otro fundacion- y NGOnan trahando cu hoben.

E estudio tin un duracion di dos aña y mei. E prome aña lo ta general y e di dos aña lo wordo parti den dos seccion, cu ta ‘Cuido di Salud General’ y ‘Cuido di Salud Mental’, cu extra atencion pa seccion hubenil. E ultimo mita aña lo ta general. Inscripcion ta habri y tin cupo pa solamente 20 participante.

Ta pidi esunnan cu a registra caba den pasado pa tuma contacto, pa sa si nan ta participa ainda.

Pa mas informacion, interesadonan por tuma contacto cu sr. Rafael S. Lopez, coordinador di e proyecto aki pa IFE-Aruba, na SPD telefon 522-4249.

 

You May Also Like

tram.jpg

Di tres tram a wordo transporta pa remise na playa

Ayera den oranan di atardi e di tres streetcar of tram, cu lo bay ...

‘Buscando conseho huridico pa atende cu Lotto pa Deporte’

Gobierno a trece dilanti caba den un entrevista anterior cu loke Lotto pa Deporte ...

firma convenio.jpeg

Ta cuestiona: Gobierno a firma cu compania local Citgo Aruba?

E firmamento ayera na Caracas entre Citgo y gobierno di Aruba ta cuestiona awor ...

dianaspancakes.jpg

Hoben landado Arubano ta preparando pa competi den Río Paralimpico 2016

Jesus de Marchena, un hoben landado Arubano ta preparando pa competí den e Río ...

Cas bandona den Venezuelastraat na candela

Dialuna anochi tabata tin basta huma saliendo for di un cas den Venezuelastraat. Tanto ...