Minister di Husticia kier haci prizon di Corsou un instituto di educacion

WILLEMSTAD – Detenido tin tur tempo pa studia y siña un fishi, asina husticia na Corsou ta rasona. Pero e trayecto di resocialisacion ta core struf: e interupcionnan di trabou den prizon ta stroba e formacion di e presonan hopi.

E maneho di personal na prizon ya tin basta tempo cu e ta bou di presion. Entre otro e ausencia di pago di overtime aña pasa tabata motibo pa e personal na prizon welga. Ora minister di Husticia Quinsy Girigori (PAR) a anuncia cu ora di meld enfermedad mesora mester pone servicio di arbo na altura, mesora 100 trahado a keda sin presenta pa trabou. Alafin e minister a cancela e medida, pero si a acepta un maneho di ausencia mas riguroso.

Consecuencia pa e presonan
Si trahado di prizon no bin traha segun skema, e presonan no por bay corte na Punda pa trato di nan caso. Nan no por bay e departamento tampoco caminda tin formacion den cuadro di resocialisacion. E departamento aki ta den prizon y ta consisti di klas, un biblioteca y un espacio di computer. E prizon tin algun tayer tambe, manera carpinteria, luga di fura mueble y un tayer di cosemento caminda e detenidonan ta cose paña di preso.

Intrankilidad pa motibo di e weganan
Maivine Cecilia, hefe di unidad Corosion encarga cu ehecucion di e maneho di resocialisacion di minister di Husticia, ta bisa cu e weganan di e trahadonan ta causa hopi intrankilidad den Centro di Detencion y Corosion Corsou (SDKK). “E siguridad den prizon y pafo tambe, ta importante den nos comunidad pa tanto hende cu castigo largo of cortico desaroya na un manera positivo y haya guia pa coregi nan conducta problematico. E rol di e wardadonan ta clave, nan mester duna e bon ehempel.”

Segun minister mayoria de e trahadonan na prizon ta traha duro, pero tin un grupo cu ta taha palo. Aña pasa minister a priminti director di SDKK Urny Floran mas autorisacion. E director ta warda esaki bira oficial pa por trata asunto di personal miho. Esaki ta segun e fuente Retkaribense.

Mester di colaborado envolvi
Cabes di unidad Coreccion Cecilia ta haya cu specialmente trahado na un Instituto Penitensiario (PIW) mester ta mas y miho envolvi pa laga e presonan bolbe bek den comunidad. “E maneho nobo, cu na 2017 minister a anuncia, ta nifica cu pa cada detenido ora e drenta prizon ta traha un trayecto den forma di un plan di perspectiva pe.”

‘Si un hende keda dies aña cera, den e tempo ey e mester por haya maske ta dos, tres diploma’
“Enseñansa di fishi, les den habilidad social, formacion artistico, deporte, cuido spiritual, sigui menta. Hunto cu mundo di negoshi, ministerio di SOAW y Reklaserming, nos ta investiga ki oportunidad tin pa ex detenido riba mercado di labor. Educacion y formacion ta adapta na esaki. “Cecilia ke trece educacion acredita pa prizon. “Si un hende keda cera dies aña den e temporada ey e mester por haya maske ta dos, tres diploma, of certificado completo of parcial.

E interes pa siña ta grandi bou di e presonan, Cicilia ta bisa. “Na biblioteca regularmente ta fia buki. Bo por bisa cu tin un cultura di lesa den prizon. SDKK conoce un grupo di detenido tambe cu no, of apenas por lesa y skirbi. E lucha contra analfabetismo ta un responsabilidad di prizon, Cecilia ta bisa.
‘Prizon ke perde e imagen di e universidad di baho mundo’

“Na november y december di aña pasa SDKK den cooperacion cu ministerio di SOAW a ofrece les di papiamento, Hulandes, Ingles y Spaño. Nos a haci tur cos pa soru pa hende cu limitacion linguistico haya oportunidad pa desaroya nan mes linguisticamente. Tambe ta posibel pa e detenidonan siña un di dos of di tres idioma.”

E prizon ke perde e reputacion di ‘universidad di baho mundo’ Cecilia ta enfatisa. “E detenidonan for di prome dia mester cuminsa pone nan bida na ordo. Siña y traha ora bo sali prizon ta trece perspectiva pa futuro.”

You May Also Like

Captura di 67 miembro di Clan del Golfo na Colombia

(ElTiempo) – Den tres subregion di departamento di Antioquia, Norte, Bajo Cauca y Oriente, ...

Inversion di China den America Latino a crece exponencialmente

Empresanan di propiedad publico, vincula cu e sector di materia prima y cu predileccion ...

Ex-presidente Alvaro Uribe cu yamado na militarnan Venezolano pa baha Nicolas Maduro

Ex-presidente Alvaro Uribe a declara aiamars ultimo cu ehercito di Venezuela “tin e ultimo palabra: of ...

Sosten masal pa peticion pa drecha caminda malo

KRALENDIJK (Ret Karibense) – Weekend pasa nan a cuminsa cu un peticion pa drecha ...

OM ta actua contra spijbel na St. Eustatius

Fiscal di e islanan di BES a papia cu e alumnonan y mayornan di ...

Colombia: Ocho morto y cinco herido den explosion na zona indigena  

Mas di ocho morto y cinco persona herida despues di un explosion na un ...