Den cuadro di e traspaso di Ministerio y trabaonan, Minister di Enseñansa y Deporte Endy Croes a ricibi documentonan cu varios peticion. Entre e peticionnan aki tabatin uno di Emma school cu tin necesidad pa Wifi.
A pesar cu ainda no a reuni cu esnan cu ta maneha e scol, segun un comunicado di gobierno, a percura pa pone e necesidad di e scol na prome luga y conhuntamente cu Setar a aproba pa pone Wifi back na Emmaschool. Di e forma aki percura pa brinda e sosten necesario na e necesidadnan di awendia y muchanan di e scol.
Croes a splica cu e scol tabatin Wifi, sinembargo a consecuencia di mal tempo e sistema aki a kima y nunca mas a wordo reemplasa (a keda asina mas o menos 1 aña).
Pues diabierna a percura pa atende cu e peticion aki conhuntamente cu Setar y e proceso a inicia pa por logra restaura e conexion na e scol. Di forma aki pronto Emmaschool lo tin su Wifi back.
Pa termina, Croes a splica cu locual cu e kier a ilustra ta cu no ta tur ora bo mester reuni prome pa tuma cierto decisionnan, tin peticionnan cu bo ta encontra cu nan, bo por analisa nan y si bo tin e presupuesto y simpatisa pa e situacion bo ta tuma e decision mes ora.
