Durante e di tres sesion di e curso Finanzas den mi Hogar den districto di Paradera a trata e topico con ta presupuesta segun bo entrada. Finanzas den mi Hogar ta un curso over di educacion financiero cu ta wordo ofreci gratis na nos ciudadanonan door di Ministerio di Asuntonan Economico, Comunicacion y Desaroyo Sostenibel den cooperacion cu Fundacion Plan di Bida.

Tur luna cada hogar tin responsabilidadnan financiero segun nan situacion personal y entrada. Responsabilidad manera pago mensual di huur, di hipoteca y di cuminda ta ehempelnan di gastonan di tur luna cu e entrada di tur luna mester cubri.

Traha un presupuesto of presupuesta segun bo entrada ta un instrumento importante den maneho diario di bo cartera cu ta yuda distingui entre kico ta prioridad y kico ta luho. Esaki lo conduci na tuma decision financiero cu ta beneficia bienestar di cada hogar.

Ofrece un curso gratis na nos ciudadanonan over di con pa traha un presupuesto ta esencial si tene na cuenta cu 3 den cada 10 hogar ta gasta mas di loke tin na entrada. Presupuesta tu un habilidad y ta rekeri un disciplina segun minister Geoffrey Wever. Mantene na un patrono di gasto segun un presupuesto traha riba prioridad ta un disciplina cu lo contribui pa logra nos metanan.

LEAVE A REPLY

Please enter your comment!
Please enter your name here